O goberno local compareceu na mañá de hoxe ante os medios para valorar o balance final da tempada na que se recadaron máis de 27.200 euros
Vilalba, 20 de setembro de 2024. A alcaldesa de Vilalba, Marta Rouco, informou hoxe en rolda de prensa dos datos de final da tempada das novas piscinas municipais exteriores da área recreativa da Madalena, inauguradas no pasado mes de xuño e que rexistraron máis de 10.000 usuarios e usuarias durante a época estival.
Nesa liña, a rexedora, Marta Rouco, valorou moi positivamente uns datos que reflicten “unha media diaria de máis de 100 persoas, que evidentemente se chegou a triplicar nos días de máis calor, nos que se superou o aforo e se tiveron que establecer colas de agarda para poder acceder ás piscinas”.
En consecuencia, “as novas piscinas da Madalena deron como resultado un retorno económico que superou os 27.200 euros; é dicir, unha recadación media diaria de máis de 290 euros”, afirmou Rouco, quen aproveitou a ocasión para “amosar o noso agradecemento pola boa acollida que tiveron as novas piscinas e por todos aqueles comentarios positivos que recibimos ao longo deste verán”.
Así pois, a rexedora vilalbesa tamén fixo saber que o goberno local “é coñecedor das pequenas incidencias que puideron producirse ao longo da tempada e de todas aquelas suxestións que os veciños e veciñas nos foron facendo por diversas canles, as cales estudamos e nas que xa traballamos ao longo da tempada”.
Pola súa banda, Marta Rouco estivo acompañada polo concelleiro de Infraestruturas Urbanas, Luis Fernández, quen, ademais de sumarse á valoración positiva feita pola rexedora, adiantou “está previsto ampliar o perímetro da infraestrutura e polo tanto sumar máis espazo verde e de sombra ás piscinas para que, á súa vez, se poida ampliar o aforo das instalacións en 40 ou 50 persoas”.
Ademais, á rolda de prensa celebrada na Casa da Cultura tamén acudiu a concelleira de Deportes, Paula Vigo, quen reafirmou as palabras dos seus compañeiros e a valoración positiva das piscinas, á vez que explicou que tamén se están “analizando as esixencias e as necesidades que suporía levar a cabo algún tipo de actividade dirixida na auga, como por exemplo aquagym, para poder implantala nas horas de menor aforo e dinamizar deste xeito o espazo”
Finalmente a alcaldesa, Marta Rouco, reiterou o seu agradecemento “ao equipo de goberno, á anterior alcaldesa, Elba Veleiro, que foi clave para sacar este proxecto adiante, a todos os traballadores municipais e a todos os vilalbeses e vilalbesas que confiaron nesta nova infraestrutura e se animaron a visitala para gozar do verán na nosa vila”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
