Foz, 24 de setembro de 2024. O alcalde de Foz, Fran Cajoto, demándalle á Xunta de Galicia unha solución urxente á falta de transporte público para os estudantes.
O rexedor municipal de Foz e o concelleiro Ángel Fernández Neira recibiron na Casa do Concello ás 8:45 horas de hoxe, martes, a unha decena de estudantes focegos do IES Perdouro de Burela indignados que non puideron acudir ás clases pola falta de asentos na liña regular de autobuses da Xunta de Galicia. “Trasladáronnos que de todos os alumnos que estaban agardando só puideron subir dous e que isto lles pasa diariamente. Tiveron que decidir entre eles quen subía e quen non. É urxente reforzar a liña para garantir asentos suficientes: estamos a falar de alumnos da ensinanza pública que perden o comezo das clases por falta de prazas. Hai que adaptar o servizo ás necesidades reais e hai que facelo xa”, explica Fran Cajoto.
O Concello de Foz segue a agardar unha reunión coa Dirección Xeral de Mobilidade, da Xunta, para a modificación do percorrido da liña Alfoz-Burela e que se garanta o transporte aos veciños da parroquia de Cordido e á valadouresa de Moucide. “Estamos a detectar moitas incidencias e problemas no transporte no inicio do curso escolar, que é preciso resolver de forma áxil e urxente. Comprometémonos cos alumnos do casco urbano de Foz a reclamar á Xunta de Galicia unha solución urxente e que xestionen xa o problema, igual que fixemos cos alumnos de Cordido”, remata o alcalde.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
