Madrid, 9 de setembro, 2024. Ante os problemas de falta de visibilidade e seguranza viaria, Néstor Rego rexistra iniciativas demanda a Transportes axiliar os trámites
“A que se debe a demora nunha mellora que foi aprobada hai tempo? Comparte que a N-634 non está en condicións de absorber o tráfico da A.8 cando se fecha á circulación? pregunta o deputado do BNG
Á MESA DO CONGRESO
O deputado do BLOQUE NACIONALISTA GALEGO (BNG), Néstor Rego Candamil, adscrito ao GRUPO PARLAMENTAR MIXTO, ao abeiro do estabelecido no artigo 185 e seguintes do Regulamento do Congreso dos Deputados, formula as seguintes preguntas dirixidas ao Goberno para a súa resposta escrita relativas á necesidade de axilizar a instalación da solución técnica que garanta a circulación segura no Alto do Fiouco na A- 8.
En xullo de 2014 producíase un tremendo accidente na autovía A-8 no tramo situado entre A Carreira no Concello de Abadín e Lindín no Concello de Mondoñedo, no Alto do Fiouco, que causou a morte dunha muller e case 50 feridos despois dunha cadea de colisións debido á nula visibilidade pola mesta néboa.
Ese accidente alertou sobre a necesidade de adoptar medidas no citado traxecto en que as intensas néboas son moi frecuentes, especialmente entre a primavera e outubro. Porén, no deseño e configuración da autovía A-8 ao seu paso polo Alto do Fiouco non se tiveron en conta as características xeográficas e climáticas propias da zona.
En 2015 o Ministerio abriu un proceso para a proposta de solucións técnicas avanzadas destinadas a mellorar a visibilidade e a seguranza na condución. Entre todas as opcións innovadoras o Ministerio optou por un sistema de luces láser, porén, aínda parece estar en fase de redacción o proxecto dez anos despois do terríbel accidente.
Neste tempo, foron habituais os fechamentos neste tramo de autovía polas néboas e o desvío do tráfico por unha N-634 que non está en condicións para absorber o tráfico debido ao mal estado do seu firme ademais da falta de capacidade para o tránsito de miles de vehículos.
A presión política e social levou ao Ministerio a adoptar unha medida provisional coa instalación das denominadas “balizas intelixentes” con luces led nas marxes da vía que reduciron os cortes na A-8 mais non é a solución definitiva que se demanda a un problema que é estrutural pola mala configuración da autovía e o seu trazado.
O sistema elixido polo Ministerio implica a instalación de luces láser que indican unha liña pola que circular e que tamén incorporan sensores que avisan doutros perigos. É o momento de axilizar a solución técnica seleccionada para que se poida conducir con seguridade por unha vía que foi pensada para liberar de tráfico a vetusta N-634.
Polos motivos expostos, o BNG formula as seguintes preguntas ao Goberno:
1. En que estado de tramitación se encontra o proxecto para instalar un sistema innovador de luces láser no tramo da A-8 no Alto do Fiouco para paliar os problemas de falta de visibilidade e de inseguridade viaria polas frecuentes néboas, fenómeno climático endémico na zona?
2. Non deberían axilizarse os trámites para a instalación desta solución técnica que leva anos de retraso? A que se debe a demora nunha mellora que foi aprobada hai tempo?
3. Que disposición ten o Ministerio a imprimir unha maior velocidade á instalación deste necesario sistema para poder circular pola A-8 sen risco e sen necesidade de cortar o tráfico polas néboas?
4. Comparte que a N-634 non está en condicións, debido ao seu mal estado, de absorber o tráfico da A-8 cando se fecha á circulación?
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
