Castiñeira sinala que a campaña de verán demostrou que Cajoto “está máis solo que nunca” e que esta situación derivouse de “non contar con equipo e dunha coalición rota xa no primeiro ano de mandato”
Foz, 4 de setembro de 2024. “Un rotundo suspenso”. Así cualifican os concelleiros do PP de Foz a xestión realizada polo goberno local da campaña de verán, meses nos que o municipio deu unha mala imaxe con rúas desatendidas, cheas de fochancas ou pasos de peóns sen pintar, caos circulatorio ou aparcadoiros cheos de material de obra, entre outras eivas.
O voceiro popular, Javier Castiñeira, sinala que “lamentablemente” cumpríronse as expectativas lanzadas dende o Partido Popular o que derivou en que a imaxe que se deu a veciños e turistas “deixou moito que desexar”.
Unha campaña de verán na que Francisco Cajoto “demostrou estar máis so ca nunca, sen equipo e cunha coalición rota no primeiro ano de mandato”. “Quedou patente a soidade do alcalde, que quixo solucionar todo el so porque carece de equipo”, sinalou.
Javier Castiñeira sinala que esta situación “derivou nunha moi mala imaxe do Concello de Foz”, algo que se puido constatar con veciños, comerciantes e turistas: “Foz deu varios pasos atrás como destino turístico e iso é algo que nota economicamente todo o concello”, explicou Castiñeira, ao que engadiu que os propios afectados “tamén nos trasladaron que son conscientes do esforzo realizado dende o Partido Popular por dar unha boa imaxe do verán de Foz, con bos servizos”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
