Antonio Ameijide agarda que PSOE e BNG rectifiquen e de cara ao futuro lle dean maior importancia ao Consello Provincial de Turismo para impulsar a imaxe de Lugo e a desestacionalización na procura dun turismo sostible e de calidade de cara ao futuro
Lugo, 9 de setembro de 2024. Esta semana celébrase unha nova xuntanza do Consello Provincial de Turismo, unha xuntanza ante a que o voceiro provincial popular, Antonio Ameijide, pregunta “que sentido ten convocar este órgano se non se emprega adecuadamente”.
Antonio Ameijide apoia esta pregunta en que no regulamento do Consello Provincial de Turismo se estipula que a Deputación debe realizar a difusión e promoción turística da provincia, “algo que non o están a facer xa que non hai plan para o turismo da provincia dende a Deputación de Lugo”. “A realidade é que tanto PSOE como BNG van ao que xurde”, lamentou.
Antonio Ameijide fai esta reflexión previa á xuntanza xa que “en anteriores reunións vimos como non se deu ningún tipo de documento previo para poder estudalo, así como se puxeron trabas durante a xuntanza para que se tivese en conta a nosa opinión”. “Para o único que empregan o Consello Provincial de Turismo é para dar unha rolda de prensa a porta pechada para deixar quedar ben a José Tomé”, criticou.
Un exemplo deste bloqueo é que previamente á ultima xuntanza, celebrada en febreiro, dende o Grupo Provincial Popular se solicitou “ata en dúas ocasións” a documentación referente ao único punto da orde do día. A segunda das solicitudes realizouse vía correo electrónico o 12 de febreiro de 2023 e non houbo resposta ata unha semana despois, o 19 de febreiro, “sinalando unicamente que a información pedida en referencia a ese punto era un avance informativo”.
O Consello Provincial de Turismo debe ser un órgano con contidos, no que se proporcione documentación aos asistentes e no que se tomen decisións polo ben da promoción da provincia de Lugo “en lugar de ser un ente no que unicamente se promociona a figura de José Tomé e os seus escollidos do PSOE”.
Antonio Ameijide tamén aproveita para destacar “a gran labor” que fai o sector privado para o turismo da provincia. “De non ser por hoteleiros, hostaleiros e todos os empresarios e autónomos vinculados a este sector, non sei como nos iría a Lugo nin quen ía vir, a vista da nula política turística por parte da deputación provincial”, afirmou.
De feito, dende o Grupo Provincial Popular consideran “oportuno e necesario” realizar xuntanzas periódicas con representantes do sector para “escoitar aos que mellor coñecen o turismo na provincia e coñecer os seus puntos de vista para acadar unha xestión eficaz da promoción de Lugo”.
Antonio Ameijide pregunta “que sentido ten convocar este órgano se non se emprega adecuadamente”, unha pregunta que apoia en que no regulamento do Consello Provincial de Turismo se estipula que a Deputación debe realizar a difusión e promoción turística da provincia, “e non o están a facer”. “Estamos fartos da promoción da imaxe de Tomé e dos mítines políticos que fan neste órgano”, finalizou.
PREMIOS TURISMO
Dende o Grupo Provincial Popular amosaron a súa satisfacción tras ver como “a presión exercida dende o ano pasado, nesta ocasión serviu para que traballasen para entregar todos os galardóns que se recoñecen dentro dos Premios de Turismo”.
Antonio Ameijide recorda que o ano pasado “quedou patente o fracaso do modelo de Tomé” xa que unicamente se entregou un premio entre todas as categorías recoñecidas. “Alégranos ver que este ano se entregarán todas as distincións”, explicou, “pese a que a participación que nos dan é nula”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
