O Valadouro, 10 de setembro 2024. A decisión da ata hoxe alcaldesa María José Fernández de romper o goberno e cederlle a alcaldía do Valadouro ao Partido Popular é algo que desde o BNG consideran fóra de toda lóxica e de toda ética. O BNG despois das eleccións municipais de 2023 traballou para construir un goberno de progreso no concello, e efectivamente conseguíuno a través dun pacto co Psoe e con Udival. E nese goberno tripartito o BNG puxo todo o necesario tanto a nivel humano como a nivel de xestión e de recursos para mellorar a vida da veciñanza do Valadouro, demostrándoo no traballo diario nas concellarías de Medio Rural, xestionando brigadas de incendios, pistas forestais… ou desde a concellaría de Cultura dinamizando o Valadouro, organizando eventos tan importantes com as feiras de razas autóctonas, os mercados….festas populares…, potenciando a escola de música…etc, concellarías estas que estiveron baixo a dirección de Eduardo Chao. E outro tanto desde a concellería de Educación, Conciliación, Deporte e Obras, donde coa labor contínua de Eliseo Teijeiro conseguíuse mellorar moitas infraestruturas e conseguir outras novas coma a grada do campo de fútbol, pista de pádel… ademais de dar un impulso á dinamización social no concello con numerosas actividades.
O Partido Popular, sempre con artimañas e pola porta de atrás
“Cando a esmola é tan grande ata o santo desconfía”
“É unha mágoa que a decisión da ata hoxe alcaldesa sirva para poñer na alcaldía ao Partido Popular e rachar co goberno de progreso que confeccionáramos para o Valadouro” afirmou Eduardo Chao que engadíu tamén que “resulta curioso que hoxe María José Fernández vaia poñer de alcalde á persoa que ela mesma co seu voto botou da alcaldía na moción de censura de 2013”. “E neste caso, como dice un vello refrán: Cando a esmola é tan grande, ata o santo desconfía” rematou decindo e afirmando que “máis cedo ca tarde saberemos a que xogou aquí cada quen e como xogou, pero de momento o que sabemos e agora se confirma unha vez máis é que o PP sempre recurre ao xogo sucio sen a máis mínima elegancia nin o máis mínimo rubor. Ese partido que nos deixa sen médicos, é agasallado agora por Udival coa alcaldía”.
O BNG seguirá traballando para recuperar e liderar un goberno de progreso en beneficio do Valadouro
Eduardo Chao e Eliseo Teijeiro e toda a asemblea local do BNG quixeron tamén enviar unha mensaxe a toda a cidadanía amosando a súa disposición a seguir traballando en beneficio do Valadouro e participando e colaborando tamén con toda a veciñanza e colectivos, desde as súas posibilidades e responsablilidades que agora xa non son de goberno. Neste sentido afirmaron tamén que o seu obxectivo é recuperar e liderar un goberno de progreso e “neste proxecto tenen cabida todas e todos os veciños do Valadouro que coma nós acreditan na defensa do interés público”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
