O técnico burelés cumprirá a súa terceira campaña no club e tamén seguirá dirixindo ao filial e ao xuvenil burelista
Burela, 11 de setembro, 2024. O adestrador burelense Jairo Campo Vázquez (1994) renova o seu compromiso co Pescados Rubén Burela e, deste xeito, cumprirá a súa terceira campaña consecutiva como coordinador da base feminina, cargo que seguirá compatibilizado coa dirección técnica do filial e o xuvenil burelista. “Estou contento de poder continuar co traballo feito nos dous primeiros anos, que creo que foi moi positivo. Logo dunha primeira tempada con bastante dificultades, na que apostamos só por sacar tres equipos, o pasado curso xa tivemos conxuntos en todas as categorías (benxamin, alevín, infantil, cadete e xuvenil) e puxemos en marcha o equipo filial”, rememora.
Campo asegura que o pasado curso “supéraronse as expectativas todas” coas que iniciaran o traballo. “O filial ganou a Liga e a Copa, co ascenso a Preferente incluído, e o xuvenil foi subcampión de España en Málaga. O do filial podía máis ou menos entrar nos plans, pero o que fixo o xuvenil foi unha sorpresa para todos e creo que foi a constatación de que se está traballando ben”, apunta o técnico.
Para esta campaña, Jairo é consciente de que os retos serán aínda máis complicados, sobre todo no relativo ao equipo filial. “O noso obxectivo na estrea en Preferente vai ser tentar competir e asentar o equipo nunha categoría de moito máis nivel e que xa é moi esixente. Seguiremos contado con catro sénior (Silvia Rubal, Cris Blanco, Sofía e Rissiana) e o resto van ser xuvenís. Esta categoría vainos esixir traballar conceptos diferentes e vai ser moi bo para as máis novas porque require facer un traballo continuo e vai ser un reto tentar estar a un nivel alto todas as semanas, algo que non era preciso o pasado ano”, analiza.
A primeira proba xa vai ser este venres en Dumbría, onde se medirán a un histórico como o Fisober FSF (18:30 horas). “Foron segundas o ano pasado, loitando ata o final co Grupo Forma-T Vilalba polo ascenso a 2ª División e na terceira xornada visitaremos ao Cidade das Burgas, que vén de 2ª, pero que é un equipo moi mítico da máxima categoría. A pesar de ser un filial, moitos partidos van ter o atractivo suficiente para que a xente se achegue ao pavillón”, asegura.
A única baixa do equipo filial será a da porteira Ester, que se incorporou ao Composala santiagués por cuestións académicas, así como a de Aroa, unha futbolista que botou algunha man puntual no filial e este verán marchou cedida ao Grupo Forma-T Vilalba. Ao cadro burelense chegou a xuvenil riotortense Mara, que procede do Ribeira FS.
Ademais de asentar ao equipo en Preferente, outra das funcións do filial e o xuvenil será “seguir axudando no que se poda ao primeiro equipo, como xa fixeron o ano pasado Aroa, Cris Blanco, Irene, Ester ou Lola en moitas adestramentos e mesmo en partidos e fases finais. O feito de subir a Preferente tamén axudará a que o salto entre un conxunto e o outro sexa un pouco menor”, explica.
En canto ao resto da base feminina, Jairo Campo explica que “imos contar con preto de 60 licenzas e seguimos coa captación de nenas. O noso obxectivo é crear pertenza e que siga habendo ese vínculo entre a base e o primeiro equipo que fai que estas nenas vaian animar ás maiores e algunha destas se involucre na base como Antía, que vai seguir comigo de segunda adestradora, ou Irene Samper, que o ano pasado dirixiu aos máis pequenos e pequenas. Ademais, Silvia Rubal encargarase de guiar ao alevín feminino e Cris Blanco ao benxamín”, conclúe o coordinador.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
