Con esta actuación, as beneficiarias recibirán gratuitamente servizos de información, orientación e asesoría xurídica en relación coa violencia de xénero, o emprego, axudas, así como alfabetización e promoción de redes de socialización
Lugo, 9 de outubro de 2024. O Presidente da Deputación de Lugo, José Tomé Roca, vén de asinar no Pazo de San Marcos coa presidenta da Federación de Asociación de Mulleres Rurais de Galicia (FADEMUR), Verónica Marcos Arrojo. A través deste acordo, a institución provincial achega 50.000€ que supón practicamente o total do orzamento, mentres que o colectivo achega aproximadamente os 3.000€ restantes para o desenvolvemento dun programa que ten por obxectivo empoderar a muller do rural.
José Tomé destacou que “a muller do rural xoga un papel fundamental na vida e economía familiar, aínda que en moitas ocasións ese traballo non recibe o recoñecemento que merece”. Por este motivo, resaltou que a colaboración da institución provincial con FADEMUR resulta fundamental “para apoiar e visibilizar mellor a imaxe das mulleres rurais, atendendo con estas accións as necesidades ás que se enfrontan no seu día a día”, afirmou o mandatario provincial.
O Empoderamento da Muller Rural é un programa que inclúe varios servizos que abordan necesidades específicas, como a información e orientación gratuita sobre temas relevantes como a violencia de xénero, emprego, axudas e subvencións. Ademais, o programa presta un servizo de alfabetización dirixido a mulleres, que se desenvolverá a través de sesións grupais. O contido formativo abarcará habilidades lectoras e escritas, comprensión lectora e alfabetización dixital, incluíndo o uso de internet e dispositivos móbiles.
Ademais, tamén se levarán a cabo actividades para fortalecer as redes de socialización das mulleres maiores, xa que os cambios da vida como a xubilación e as perdas emocionais reducen os seus contactos sociais e aumentan o risco de illamento e soidade, o cal está relacionado con problemas de saúde física e mental. Haberá ao longo deste ano 2024 seis sesións en grupos de 8 a 10 mulleres e estarán dirixidas por persoal cualificado. Abordarán temas como a autoestima, a saúde feminina e o crecemento persoal, promovendo o intercambio de ideas.
Empoderamento e apoio ás mulleres rurais
FADEMUR-Galicia, que agrupa 64 asociacións de mulleres rurais, traballa para apoiar a construcción de proxectos vitais das mulleres no rural. A Federación promove a a formación e mellora das habilidades das mulleres, a través de acompañamento en emprendemento, busca de emprego e asesoría sobre axudas.
Ademais, destina os seus esforzos a promover a vida social e o acceso a recursos educativos, incorporando a perspectiva de xénero nas súas iniciativas para combater a violencia e fomentar a participación na vida pública. As actividades incluidas no seu programa buscan empoderar e crear un entorno rural máis igualitario e dinámico.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
