Criticou que a Xunta de Galicia se atribúa fondos que son transferidos polo Ministerio de Agricultura, Pesca e Alimentación
Lugo, 2 de outubro de 2024. A subdelegada do Goberno en Lugo, Isabel Rodríguez, mantivo un encontro coa presidenta de FADEMUR, Verónica Marcos, e varias representantes da Federación de Mulleres Rurais, no que destacou o apoio do Goberno ao sector gandeiro da provincia na súa loita contra as enfermidades que afectan ao gando bovino e que están a ocasionar grandes prexuízos económicos ás granxas. Así, aclarou a orixe da liña de axudas anunciadas e lamentou que, unha vez máis, a Xunta trate de vender como propios uns fondos que son transferidos polo Ministerio de Agricultura, Pesca e Alimentación.
A subdelegada informou de que o BOE publicou o real decreto aprobado no Consello de Ministros a pasada semana, que recolle as bases reguladoras das axudas de 23 millóns de euros ao sector gandeiro español para compensar os gastos ocasionados pola Enfermidade Hemorrágica Epizoótica (EHE), financiar o Programa nacional de erradicación da tuberculose bovina e a compra de vacinas contra o serotipo 8 da lingua azul.
No caso de Galicia, as axudas para paliar os danos ocasionados ás explotacións pola EHE ascenden a 2,8 millóns de euros, que representan a metade dos 5,6 millóns anunciados pola Consellería de Medio Rural para as granxas afectadas. A subdelegada reiterou “a importancia de manter unha lealdade institucional e transparencia para remar todas as administracións a favor e en beneficio das gandeiras e gandeiros galegos”.
Nesta mesma liña engadiu que, pese a que a sanidade animal é unha competencia exclusiva das comunidades autónomas, o ministerio que dirixe Luis Planas decidiu reforzar con fondos estatais as axudas ás explotacións gandeiras para mobilizar máis de 30 millóns de euros no conxunto do país.
Finalidade das axudas
As axudas irán destinadas a compensar polas perdas de animais, pola desinsectación das explotacións e polos gastos veterinarios incorridos polo gandeiro para loitar contra esta enfermidade, entre os que se inclúen os desembolsos para a adquisición de vacinas para aqueles gandeiros que decidan voluntariamente utilizala.
Desta forma, o Goberno cumpre co seu compromiso anunciado no Foro Nacional da Gandería Extensiva, celebrado en Toledo en maio, de poñer en marcha un programa nacional de apoio económico aos gandeiros afectados pola EHE, unha enfermidade que chegou a España en 2022 e tivo un importante impacto no gando vacún na maior parte do país desde entón.
Para combatela, o Ministerio de Agricultura comprometeuse tamén a traballar coas empresas farmacéuticas, para poñer ao dispor do sector unha vacina eficaz. O impulso do Goberno permitiu que esta vacina estea dispoñible desde o pasado mes de agosto e se poida utilizar de maneira voluntaria.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
