O delegado territorial, Javier Arias, visitou as instalacións da firma lucense Himikode para coñecer unha novedosa solución tecnolóxica orientada á industria alimentaria do sector do café, que foi beneficiaria desta liña de axudas
Lugo, 14 de outubro de 2024. A Xunta fomenta a innovación nas pequenas e medianas empresas a través do programa DeseñaPeme, que na actual convocatoria destina 281.600 euros a apoiar novos proxectos que mellorarán a competitividade de cinco firmas da provincia de Lugo.
O delegado territorial do Goberno galego, Javier Arias, visitou na capital lucense a empresa Himikode Tech, beneficiaria de 75.000 euros na anterior edición para consolidar unha innovadora solución tecnolóxica orientada á industria alimentaria do sector do café que opera na canle Horeca (hoteis, restaurantes e cafeterías).
A firma desenvolve o sistema Hkcoffee, que dixitaliza as máquinas de café e permite unha xestión máis eficaz ao monitorizar os datos de consumo, facilitar o mantemento preventivo dos equipos e controlar en tempo real a calidade de todo o proceso.
Himikode é unha empresa de base tecnolóxica fundada en 2018 en Lugo que traballa en produtos e servizos TIC enfocados ás empresas do sector agroalimentario. Foi unha das pemes participantes na aceleradora de innovación especializada no sector agroalimentario Business Factory Food (BFFood), promovida polo Clúster Alimentario de Galicia e a Xunta co obxectivo de impulsar proxectos innovadores no ámbito da industria alimentaria.
Arias salientou que o programa DeseñaPeme busca axudar ás empresas galegas a mellorar a súa capacidade de innovación a través do financiamento de novos proxectos ou plans de deseño.
As cinco firmas lucenses beneficiarias na edición de 2024 pertencen aos concellos de Lugo (2), Viveiro (2) e Castroverde. Co apoio da Xunta desenvolverán iniciativas nos ámbitos agroalimentario, forestal e das TIC.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
