Foz, 15 de outubro de 2024. O alcalde de Foz, Fran Cajoto, e a concelleira de Asuntos Sociais, Ana Rojo, mantiveron hoxe, martes, en Santiago unha reunión co presidente da Federación Galega de Municipios e Provincias (FEGAMP) e alcalde de Vilagarcía, Alberto Varela. Concelleira e alcalde expuxéronlle “a problemática e o bloqueo alimentados pola Xunta de Galicia e o señor Castiñeira na residencia e centro de día de Foz”.
“Agradecémoslle moito a reunión e a atención que nos brindou. Como representante dos concellos galegos e alcalde de Vilagarcía, coñece de primeira man o abandono da conselleira de Política Social nos concellos de toda Galicia. Informámolo da débeda anual que ten a consellería co Concello de Foz -máis de 700 mil euros só neste ano 2024 entre SAF e residencia- e a falta de respecto que mantén a conselleira negándose a responder unha solicitude de reunión, que foi requirida incluso en persoa”, afirma o alcalde.
Fran Cajoto explica que “as veciñas e veciños de Foz cos seus impostos teñen que cubrir o que a conselleira se nega a pagar e o señor Castiñeira continúa coa súa política de bloqueo e lavado de cara da Xunta, pero non pode esconder a mochila. Vamos seguir demandando unha reunión porque temos dereito e porque a Xunta de Galicia incumpre incluso o convenio asinado xa que aínda non transferiu a propiedade do edificio da residencia. A estas alturas parece probado que o único xeito de reunirse coa señora conselleira é afiliarse ao Partido Popular”.
O alcalde de Foz referiuse tamén ás últimas notas de prensa do señor Castiñeira: “atreveuse a pedir unha nova licitación cando acaba de bloquear a decisión dunha mesa de contratación e cando sabe -ou debera saber- que a decisión plenaria está en fase de alegacións. Fala de que a residencia siga sendo municipal cando sabe perfectamente que ese é o orixe da suba dos prezos e que no pleno do 26 de novembro de 2020 votou a favor de devolverlle a residencia á Xunta. E ademais pretende facernos crer a todos que a culpa do embrollo que el creou é do actual goberno. Nós sempre imos defender os intereses municipais, non outros”, finaliza Cajoto.
O presidente da FEGAMP comprometeuse a demandarlle a Fabiola García que atenda a solicitude realizada polo Concello e reciba aos representantes do goberno de Foz.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
