Tratarase tamén no pleno un modificativo de crédito para renovar tres pistas nas parroquias de Nete e Oleiros
Vilalba, 29 de outubro de 2024. O Concello de Vilalba celebra pleno ordinario este xoves, día 31 de outubro. Na orde do día destaca a proposta para aprobación dunhas obras na ETAP que servirán para solucionar os episodios de turbidez na auga que se producen no casco urbano en determinados momentos do ano.
Estes traballos, para a instalación de decantadores lamelares e filtros nas Estación de Tratamiento de Agua Potable (ETAP) de San Simón e Cañotas, “están incluídos no convenio de colaboración entre a Confederación Hidrográfica Miño-Sil e o Concello de Vilalba, dando resposta ademais a unha demanda veciñal”, explica a alcaldesa, Marta Rouco.
Unha vez adxudicadas as obras, o prazo de execución será de tres meses.
“Todo o que ten que ver co ciclo da auga é prioritario para o goberno local de Vilalba, de aí a importancia do convenio de que xestionamos coa CHMS, que posibilita diferentes obras de mellora no abastecemento e o saneamento”, engade.
A principios de ano remataron as obras de mellora da Estación Depuradora de Augas Residuais (EDAR) de Vilalba, tras un investimento de 1,7 millóns de euros. O obxectivo da actuación era limitar as verteduras sen tratamento adecuado ao río Madalena, para o que se acometeron dúas actuacións: a ampliación do pretratamento da EDAR e a construción dun tanque de tormentas.
“Agora chega a quenda das ETAP de San Simón e As Cañotas, despois de varias reunións coa Confederación Hidrográfica para xestionar e planificar os novos pasos do convenio entre as dúas entidades”, sostén Marta Rouco.
Pistas no rural
Por outra parte, o pleno debatirá tamén unha proposta de modificativo de crédito para a renovación de tres pistas nas parroquias de Nete e Oleiros.
Unha delas, en Nete, é o acceso a Bouza e Lourixe; en Oleiros, o vial que vai do barrio de Agadín (límite co Abeledo) ata o barrio da Granda, desembocando na estrada da Deputación recentemente renovada que conecta coa Feira do Monte, e tamén a pista que vai da estrada da Deputación, ao seu paso por Oleiros, pasando polos barrios de Vilariz e Carboeiro ata o límite con Cospeito.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
