O voceiro dos socialistas no municipio, Pablo Díaz, desmente os anuncios feitos pola Xunta sobre esta dotación social e aclara que o financiamento provén dos orzamentos do Goberno de Pedro Sánchez
Abadín, 16 de outubro de 2024. O PSOE de Abadín, a través do seu voceiro Pablo Díaz, quere expresar publicamente o seu máis sincero agradecemento ao Goberno do Estado pola súa colaboración fundamental na construción da nova residencia de maiores do municipio. Este proxecto, considerado unha demanda histórica da veciñanza, será posible grazas á achega de 1,2 millóns de euros procedentes dos fondos europeos, xestionados polo Goberno Central. Nese sentido, Díaz quere desmentir rotundamente as afirmacións da Xunta de Galicia, que está a vender como propia a inversión na nova residencia de maiores do municipio.
“É importante que a cidadanía teña claro que a maior parte dos fondos que fan posible esta residencia proveñen do Goberno do Estado e non da Xunta de Galicia, como se dixo”, explicou Díaz. Aclarou, ademais, que aínda que a Xunta participa no proxecto, non é a responsable da achega económica, que provén dos orzamentos estatais vinculados ao Plan de Recuperación, Transformación e Resiliencia.
O portavoz socialista manifestou o compromiso do seu partido coa transparencia e coa verdade: “Non permitiremos que se manipule a información nin que se atribúan méritos que non corresponden. O noso deber é recoñecer os esforzos de quen realmente fai posible esta residencia, que é o Goberno Central”.
“Este apoio do Goberno central é esencial para dotar a nosa poboación maior dun servizo tan necesario, garantindo 44 prazas en 22 habitacións dobres”, afirmou Díaz. O portavoz socialista subliñou que esta infraestrutura mellorará notablemente a calidade de vida dos maiores de Abadín e converterase nun motor de dinamización económica para o municipio, tanto pola creación de novos postos de traballo como polo impacto positivo na actividade local.
Díaz destacou, ademais, o impacto que esta nova infraestrutura terá no municipio: “Non só mellorará a atención aos nosos maiores, ofrecendo un servizo de proximidade e calidade, senón que tamén xerará emprego e impulsará a economía local”.
Para finalizar, o portavoz socialista reiterou o seu agradecemento ao Goberno do Estado e comprometeuse a seguir traballando para que proxectos coma este continúen avanzando. “O noso obxectivo é que Abadín siga progresando, e a construción desta residencia é un paso importante cara a un futuro mellor para todos os nosos veciños”, ao tempo que reiterou o compromiso dos socialistas para lograr “un futuro mellor para todos os nosos veciños a través dunha oposición que constrúe, sen deixar lugar á manipulación.”
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
