Ribadeo, 17 de outubro de 2024. En Ribadeo tivo lugar este xoves unha xornada de recollida de voces no marco do Proxecto Nós, unha iniciativa para apoiar e promover o uso da lingua galega e mantela viva no futuro.
O alcalde, Dani Vega, e a concelleira de Cultura, Begoña Sanjurjo, agradeceron a participación “a todas as persoas que a súa voz para este proxecto tan importante”.
O rexedor subliñou que “hoxe en Ribadeo demos un paso máis para preservar e fortalecer o galego no ámbito da intelixencia artificial. É un orgullo apoiar iniciativas que non só promoven o uso do galego, senón que tamén aseguran o seu futuro nas ferramentas dixitais que marcan o noso día a día”.
Esta xornada de captación de voces en lingua galega estivo promovida pola Secretaría Xeral da Lingua da Xunta de Galicia, que contou coa colaboración do Concello de Ribadeo.
Ao longo da xornada participaron ducias de veciños e veciñas a doar a súa voz. Entre eles, participou o alcalde, Dani Veiga e diferentes membros da Corporación así como representantes de diferentes colectivos sociais e culturais de Ribadeo como a Agrupación Cultural Francisco Lanza, a Coral Polifónica de Ribadeo, o Club de Fútbol Sala de Ribadeo, o Club de Ximnasia Rítmica de Ribadeo, a Asociación de Amigos da Gaita, o Colexio Sagrado Corazón ou a ANPA A Faxarda, entre outros, así como veciñas e veciños que, a titulo individual quixeron contribuír coa súa voz a este ambicioso proxecto.
O Concello de Ribadeo foi un dos 16 Concellos seleccionados polo Instituto da Lingua Galega (ILG) e a Secretaría Xeral da Lingua para a realización desta recollida in situ de voces entre a súa veciñanza.
O rexedor dixo que “é un orgullo que se pensara no noso concello para desenvolver unha xornada deste tipo. Estou moi satisfeito da resposta que deu a veciñanza de Ribadeo, que volveu demostrar unha vez máis que é unha veciñanza solidaria e comprometida coa lingua galega”.
Pola súa banda a Concelleira de Facenda, Cultura, Educación e Igualdade, Begoña Sanjurjo sinalou que “desde o Concello fixemos un chamamento a toda a veciñanza de Ribadeo a que acudira á aula informática da Casa da Xuventude a doar a súa voz para colaborar cun proxecto por ser moi positivo para todos os galegos e galegas. E o feito de que ducias de persoas pasaran durante todo o día por aquí doar a súa voz e contribuír cun proxecto destas características é unha gran satisfacción”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
