Foz, 26 de novembro de 2024. A Aula Universitaria da UNED de Foz programa para este vindeiro mes de decembro un curso de alimentación, un obradoiro de plantas medicinais, a presentación dun libro de poemas e unha actividade infantil de Nadal.
A concelleira da Aula Universitaria da UNED de Foz, Elena Martínez, e a coordinadora da mesma, Marta Muiña, anuncian “unha variada oferta formativa e cultural para o mes de decembro, con actividades dirixidas a diferentes públicos e deseñadas para fomentar a aprendizaxe, a saúde e a diversión no peche do trimestre académico”.
Dentro da súa programación destaca o curso de extensión universitaria Alimentación fácil e saudable: tips e receitas para o día a día, impartido por Saray Río, nutricionista veciña de Foz e profesional con ampla experiencia no ámbito da saúde e a formación. “Esta actividade está pensada para quen desexe mellorar a súa alimentación diaria dun xeito práctico e sinxelo, aprendendo consellos útiles e receitas simples e rápidas para aplicar no día a día”, explica a coordinadora. Terá lugar do 3 ao 17 de decembro, os martes e os xoves de 16 a 18 horas.
Tamén se ofrecerá un obradoiro de plantas medicinais, a cargo de Pedro Rolle, autor do libro Flores de primavera do Valadouro. Este taller proporcionará unha oportunidade única para coñecer os usos e propiedades das plantas medicinais da nosa contorna, combinando tradición e coñecemento práctico. A concelleira indica que “esta é unha forma distinta de aprender, compartir e valorar os recursos naturais que nos rodean”. Realizarase os días 16, 17, 18 e 19 de decembro de 16 a 18:30 horas.
A programación cultural complétase coa presentación do poemario Laidos Cardíacos, de Lucía Ferro, autora procedente do concello de Barreiros. Muiña comenta: “celebro a valentía de Lucía Ferro ao compartir a súa voz mais íntima e persoal. A súa poesía conéctanos coas nosas emocións máis profundas e fainos reflexionar sobre as nosas experiencias vitais”. Este evento celebrarase o xoves 12 de decembro ás 19 horas na Biblioteca Municipal de Foz Salgado Toimil e será unha ocasión especial para que os amantes da literatura descubran esta obra e compartan un espazo de diálogo coa autora.
Como grande novidade para este mes, a UNED de Foz organizará unha actividade especialmente pensada para nenos e nenas de entre 5 e 9 anos e as súas familias. Trátase dunha divertida dinámica de busca do tesouro en inglés, onde os participantes, a través de pistas e enigmas, intentarán atopar a Santa Claus. Esta actividade, En busca de Santa Claus, promete ser un momento lúdico e educativo para pequenos e maiores. Levarase a cabo o 26 de decembro ás 11:30 horas no IES de Foz. “Invitamos ás familias a participar nesta dinámica de aprendizaxe e diversión. De seguro que o perdido Santa Claus aparecerá polos IES de Foz o día 26 de decembro de novo”, afirma Elena Martínez.
A Aula Universitaria da UNED de Foz convida a toda a comunidade a participar nesta ampla oferta de actividades, deseñadas para enriquecer a vida cultural e formativa do municipio. Para máis información ou inscricións, as persoas interesadas poden contactar directamente coa Aula Universitaria no teléfono 982.133.699, no Whatsapp 604.034.549 ou no correo electrónico foz@lugo.uned.es.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
