Cando chegamos ó goberno, atopámonos que o estado dos camiños era lamentable. Tal parecía que durante moitos anos, ninguén se preocupara deles.
Efectivamente, analizando a ordenanza de pistas forestais, puidemos ver que, aparte de non concretar nada, requiría unhas fianzas que, segundo a documentación, non seguían un criterio técnico, senón un criterio político. Uns poñían e outros non, uns facían as cousas ben e outros non e as sancións eran tan esaxeradas que eran imposibles de aplicar. É dicir, era unha ordenanza simbólica porque non se estaba aplicando.
Tan lamentable era a situación como o estado dos camiños e vímonos na obriga de tomar decisións. Falamos cos maderistas e con Lugomadera e firmamos un acordo. Un acordo que xa hai en todos os Concellos, non é nada particular de Ribadeo. E agora, o que fixemos foi redactar unha ordenanza nova, real, que o único que pretende é conservar, coidar e velar polos camiños públicos. Unha ordenanza da que moitos Concellos queren saber pola importancia da súa rigorosidade e do criterio técnico.
Cando dicimos “ordenanza real” referímonos ás multas coercitivas de 1.000€ a 3.000€ para obrigar ó maderista a conservar. Se non se conserva, o Concello arranxará a pista e cobraralle ó maderista a través da execución subsidiaria, e chegados a este punto haberá sanción de entre 10.000€ e 50.000€. Agora cada maderista tamén ten que informar a través dunha aplicación (NOTIFOR) o lugar onde está talando e as pistas por onde sacará a madeira. ¡TODOS OS MADERISTAS! Nós non aplicamos o “amiguismo”, aplicamos a Lei. Este goberno foi o primeiro que dixo que se non se arranxaban as pistas, non se sacaría a madeira. E prohibiuse! Quizáis tamén sexamos o primeiro goberno que non se vende e por iso temos a liberdade absoluta para defender os dereitos dos nosos veciños POR IGUAL.
Resumindo ¿A QUÉN PRETENDEN ENGANAR? Había unha ordenanza imposible de aplicar que en dezaseis anos non se molestaron en modificar, non había ningún criterio técnico para poñer as fianzas, durante dezaseis anos non miraron para as pistas forestais e agora veñen dicindo que teñen unha proposta. ¿Cál? ¿Volver ó “amiguismo” das fianzas na que uns si e outros non?
Nós somos moito máis rigorosos e aperturistas e gobernamos para todos por igual, sexa quén sexa. Nós redactamos unha ordenanza RIGUROSA e TÉCNICA, con puntos CLAROS, CONCISOS e REAIS , e da que moitos Concellos queren saber. Tan errados non estaremos…
En fin, como sempre dicimos, nós ó noso, traballando arreo e defendendo os intereses de Ribadeo e dos nosos veciños ¡POR IGUAL!
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
