Burela, 14 de novembro, 2024. Na mañá do pasado mércores un grupo de 30 alumnos da Escola Oficial Náutico Pesqueira de Ferrol visitaron o Porto de Burela dentro dos convenios de colaboración da EONP de Ferrol coa OPP Burela e ABSA, polo que se facilitan prácticas destes alumnos nas frotas destas organizacións.
Os alumnos, de 2º curso do Grao Superior de Navegación en transporte marítimo e pesca de altura (patrón de altura) e de Organización de mantemento de maquinaria de buques e embarcacións (mecánico naval maior) puideron reunirse cunha representación de armadores das frotas burelesas de arrastre de litoral, gran sol e palangre de superficie en augas internacionais.
Os alumnos interesáronse polos distintos tipos de buques nos que poderán embarcar nos próximos meses dentro do seu programa de prácticas a bordo, así como polas condicións sociolaborais, descansos ou ingresos en cada unha das pesqueiras.
O director da Escola de Ferrol, Enrique Cobelo, presentou os servizos da EONP, que o próximo ano celebra o seu 50º aniversario: os principais ciclos e cursos que imparten e os cambios previstos na normativa de formación profesional, con especial atención na seguridade a bordo e nos cursos e certificados voluntarios de especialidades.
Despois visitaron dous buques da frota de Gran Sol que están de descanso no porto de Burela: o grupo do ciclo de máquinas visitou o buque ‘Breogán Tres’ e o grupo do ciclo de navegación e ponte subiu a bordo do ‘Idurre Berria’. Armadores e persoal de ambos os buques explicaron como é a operativa na pesca de pescada de petisco en augas europeas.
O grupo visitou tamén o Barco Museo Reina do Carmen, exemplo da frota bonitera dos anos 60 do Cantábrico, para comparar como evolucionaron os buques nos últimos anos en canto a habitabilidade, potencia, espazos de traballo ou dimensións.
A xornada finalizou visitando o último buque botado por Astilleros Armón, un iate de luxo equipado coas máis avanzadas tecnoloxías e no que se están realizando os últimos equipamentos antes de saír navegar.
Estas accións da OPP están encadradas na medida para a posta en valor do oficio pesqueiro e para achegar aos alumnos e futuros tripulantes á realidade pesqueira do porto de Burela, incluídas no plan de produción e comercialización anual, e que contan con axudas da Xunta de Galicia e a Unión Europea a través do FEMPA.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
