Ribadeo, 14 de novembro de 2024. A xornada Conecta Ribadeo abordará mañá, 15 de novembro, nas instalacións do Real Club Náutico, a internacionalización das empresas. O evento está organizado polo Concello, a Xunta e a CEL.
O alcalde, Dani Vega, explicou que “Ribadeo avanza e por iso presentamos Conecta Ribadeo, unha xornada onde se vai falar da internacionalización sobre o futuro de moitas empresas do noso concello, da provincia ou de Galicia. Unha xornada que organizan o Concello de Ribadeo, a Xunta de Galicia e a CEL. Polo tanto, dentro desa colaboración que estamos tendo para tamén falar da internacionalización, de casos de éxito, de empresas que están medrando moitísimo e Ribadeo ten que estar tamén nese espazo. Unha xornada que quere dar unha resposta a moitas preguntas, a moitas dúbidas de moitos empresarios, de moitos autónomos, en definitiva, de moitos emprendedores que están explorando esa vía da internacionalización, dun crecemento importante e polo tanto hai que formarse, hai que informarse e por iso tamén o IGAPE vai falar non sómente de axudas, que tamén, senón de casos de éxito que a través do asesoramento técnico por parte da Xunta de Galicia e nosoutros como Concello tamén nos temos que poñer a disposición para que as empresas se asenten en Ribadeo”.
O rexedor subliñou que “se trata dunha xornada onde todo o sector empresarial ponse en Ribadeo. É unha boa decisión falar, debater e sobre todo escoller a Ribadeo como ese municipio emprendedor. Casos de éxito xa se viron fai uns tempos, aínda estabamos na oposición e tamén trouxemos un Conecta Ribadeo para falar do turismo. E dese Conecta Ribadeo de Turismo, saíron empresas, como por exemplo o novo hotel que se vai situar na aduana. Creo que isto é sempre positivo, sempre suma poñer a Ribadeo como centro emprendedor, onde máis empresas se están instalando, e non nos debemos conformar, debemos seguir loitando, debemos seguir buscando e debémonos poñer a disposición de todo aquel emprendedor que escolle Ribadeo como espazo de traballo”.
Vega indicou que “a xornada vaise iniciar sobre as 10.15 horas da mañá. Vai haber unha mesa redonda que vai falar sobre como iniciar ou relanzar o proceso de internacionalización. Aquí van intervir varios expertos, tamén varias persoas que emprenderon, que exploraron esas vías e conseguiron ese éxito. Despois é clave o financiamento, o proceso da internacionalización e tamén vai haber distintas persoas, tanto da administración como da banca, que tomarán a palabra nesta xornada. E haberá tamén ese networking, que iso é ese feedback entre empresas. Eu creo que tamén é positivo que todo o mundo fale, que todo o mundo debata, todo o mundo traslade propostas para seguir crecendo, para seguir conectando Ribadeo e alegrándonos de que Ribadeo sexa ese Concello emprendedor, ese Concello con moito futuro”.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
