Ribadeo, 13 de novembro de 2024. A reforma do hospital asilo avanza a moi bo ritmo. Así o subliñou o alcalde, Dani Vega, que supervisou os traballos xunto a técnicos municipais, a compañeiros do equipo de goberno e a responsables da empresa encargada da obra.
O rexedor manifestou que “avanzan a moi bo ritmo as obras da residencia hospital asilo. Creo que a coordinación, a planificación e o traballo conxunto dan moi bos resultados. Felicitar aos técnicos urbanísticos do Concello, felicitar tamén á Área de Benestar Social e á empresa que realiza as obras. Baixo esa planificación fomos dando pasos moi importantes. Da bo resultado traballar a bo ritmo e traballar baixo a coordinación entre todos. Iso é o que hai que facer”.
Vega dixo: “nestes momentos, en qué fase estamos? estamos nunha fase de aportar o equipamento necesario, o ascensor, as instalacións de aire acondicionado, a fontanería, todo o sistema eléctrico, a calefacción por aerotermia, toda unha parte moi importante. Tamén avanzan a moi bo ritmo as obras nas instalacións, dos espazos dos que van gozar as persoas cando se instalen nesta residencia hospital asilo, xa se están rematando. Creo que se está facendo un bo traballo”.
O alcalde insistiu en que “a residencia de hospital asilo avanza a moi bo ritmo. Destacar que dentro do proxecto non hai ningún tipo de modificado e iso supón que non haxa ningún tipo de retraso. E tamén, unha parte moi importante desde un punto de vista económico, a tranquilidade que temos desde o Concello por que aportar a Xunta de Galicia 700.000 euros danos un respaldo moi importante, co que tamén puidemos eliminar o crédito de 950.000 euros”.
Dani Vega engadiu: “as cousas, baixo esa programación, baixo esa planificación, baixo un traballo continuo e sensato, saen ben e polo tanto a residencia hospital asilo avanza a moi bo ritmo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
