Rosana Pérez advirte que a viabilidade dunha parte do sector, sobre todo das artes menores, está en risco polos recortes nas principais especies
Santiago de Compostela, 26 de novembro. O BNG vén de acadar o apoio da maioría do Parlamento a unha iniciativa para defender o sector pesqueiro galego nas negociacións da Unión Europea sobre os TACs (total admisible de capturas) y cotas para o vindeiro ano, pendentes da decisión final no Consello de Ministros de Pesca que se vai celebrar en decembro.
“As expectativas non se presentan en xeral favorábeis”, advertiu a portavoz nacionalista de Pesca, Rosana Pérez, durante a defensa proposición non de lei aprobada para reclamar ao Goberno do Estado, entre outras cuestións, que faga valer ante a Unión Europa a sentenza do Tribunal de Xustiza da Unión Europea (11 de xaneiro) na que recoñece nitidamente a importancia de atender as cuestións sociais e económicas e non só as medioambientais á hora de fixar as cotas das diferentes especies porque o contrario contribuiría á paralización da frota.
Agás no caso do peixe sapo e o rapante, que poderían ter un aumento de cota, as perspectivas volven ser “moi preocupantes” para a frota galega e poderían supoñer “o empurrón definitivo para comprometer seriamente o futuro de amplas capas do sector e, no caso de Galiza, tamén a economía do País”, apunta Rosana Pérez na súa iniciativa, na que se reclama ao Goberno do Estado que vete calquera redución de cotas que non vaia na liña da sentenza do TXUE ou que afecta á viabilidade da frota galega, nomeadamente á de baixura. Nin os gobernos do PP nin os do PSOE traballaron até o de agora o suficiente para facer valer na UE o peso da frota galega, advertiu.
A deputada nacionalista incidiu no “auténtico drama” que está a vivir especialmente a frota do cerco, pero non só, polos recortes nas cotas deste ano, aos que se suma o “abandono obsceno” da Administración co impago das axudas polo paro biolóxico do 2023. Sobre este punto, a iniciativa reclama ao Ministerio de Pesca que avance nas medidas de cobertura económica da frota que se vexa afectada pola posíbel redución de cotas e que resolva e pague as eventuais axudas por paros biolóxicos nun prazo non superior a tres meses dende a súa convocatoria.
Á espera da reunión de decembro, o pasado 31 de outubro, a Comisión Europea xa fixo as súas propostas que, no caso do xurelo sur, na zona IXa (de Fisterra ao Golfo de Cádiz) propón un aumento do 5 %. Porén, alertou a deputada do Barbanza, hai que ter en conta que o ICES recomendou recortalo un 66 % e que no 2023 a suxestión científica foi a que prevaleceu.
No caso do xurelo na zona VIIIc, de Fisterra para o norte, o ICES aconsella pasar da cota cero dos dous últimos anos a 75.545 Tn., máis neste caso faltan as negociacións da UE con outros países do Atlántico cos que comparte xestión, ao igual que no caso do lirio, onde a recomendación do ICES é dunha rebaixa do 5,4 %, explicou Rosana Pérez.
Para o bocarte, a redución “é brutal”, continuou, e no caso da xarda “xa son varios anos nos que as Illas Feroe e Noruega, que pacta co Reino Unido, veñen asignándose cotas unilateralmente sen que a UE teña actuado para impedilo. Segundo o ICES, a autoasignación vén reducindo sensiblemente o recurso e, para 2025, propón rebaixar a cota un 22 %.
Fronte a esta situación, a proposición non de lei do BNG aprobada na Comisión de Pesca, avoga por que a UE tome medidas para impedir a entrada no mercado europeo de xarda procedente de países que se asignan cotas unilateralmente.
Rosana Pérez enumerou outros recortes previstos, como o do abadexo (36 %), linguado (35%) ou sardiña, sobre a que o IEO xa advertiu que as campañas científicas levadas a cabo xunto co IPMA portugués aprecian unha importante diminución da biomasa, o que podería provocar novos recortes do tope.
Outro dos puntos da iniciativa apoiada por unanimidade é que demandar o Ministerio unha xestión interna das cotas que evite a distorsión que se dá na actualidade entre as distintas zonas do Estado e que non sexa causa da especulación das posibilidades de pesca e da discriminación que se vén producindo ata o de agora.
O Parlamento tamén insta á Xunta a elaborar, en previsión de novos paros para 2025 por escaseza de cotas, o seu propio plan de axudas económicas para a frota galega, como complemento ás do Goberno do Estado. Ademais, á Xunta pídeselle que achegue ao Goberno do Estado os estudos dos que dispoña e que poidan contribuír a determinar a situación dos stocks “para un establecemento acordo dos TAC en cada caso e que permitan a planificación do sector e a súa viabilidade”.
Instar ao Goberno do Estado e á Unión Europea a iniciar o procedemento que leve a unha profunda reforma da PPCV que evite a desaparición da frota galega é o último punto da proposta acordada a iniciativa do BNG.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
