As mariñás dominan a primera parte e conseguen bater definitivamente ao Poio na segunda nun competido “Derbi das Costas”.
Burela, 14 de decembro, 2024. Ás 18.45h desta tarde celebrouse a 14ª xornada da liga de Primeira División Iberdrola FS, o clásico “Derbi das Costas”, CD Burela FS – Poio Pescamar FS, no pavillón municipal Vista Alegre de Burela, cun resultado final 3-2. Con ao redor de 600 espectadores, o encontro abreu cun minuto de silencio polo falecemento de Josefa Fernández López, “Pepa”, avoa de Noelia Montoro, xogadora que non puido asistir ao partido por este motivo.
Primeira parte moi boa das mariñás que ben puido acabar cun resultado máis avultado ao descanso e segunda parte máis igualada na que o Poio sae con ganas de tentar levar aínda que sexa un punto conseguindo o empate tras o descanso.
Na primeira parte chega o 1-0 no minuto 6, tras as primeiras rotacións, cun gol de Patricia que recorta a Sandra Buzón e métea dende a área tras un pase longo de Antía Pérez. Numerosas ocasións con máis chegadas a portería do conxunto local, dúas ocasións de Emilly e outra de Dany nos primeiros 10 minutos onde o Poio case non tira a portería. Ocasión clarísima de Emilly nun erro na defensa do equipo visitante que deixa o balón morto na área e fusílao Emilly atopándose coa porteira cántabra que a saca a córner. Outra de Carolina Pedreira no minuto 17 que a lanza fóra dende o punto de penalti. Ocasión de Chuli cun disparo cruzado tras unha falta perigosa a case tres minutos do descanso que se vai rozando o pau. Sálvaa Caridad tres tiros a porta consecutivos a segundos do descanso.
Na segunda parte comezan presionando con intensidade ambos os conxuntos. No minuto 24 Èlia empata o partido batendo por abaixo a Caridad e un minuto despois Antía perde a ocasión máis clara do partido, soa no segundo pau coa portería baleira remata e a lanza por encima do traveseiro. Sácaa baixo paus Ale de Paz nun lanzamento de Dany sen porteira e sálvaa Emillly enviándoa a córner tras roubar na área o balón a Élia cando ía rematar un rexeite. No 29 chega o segundo das burelenses, un golazo de Emilly que recibe e dispara dende a área un pase de Dany. Presiona o Poio con porteira-xogadora con Elena Aragón coa elástica amarela, no minuto 34, e chega o 3-1 cun gol de Patricia a portería baleira. Continúa o conxunto pontevedrés tentándoo con xogo de cinco. Recorta distancias Laura Uña no 36 cun gol desde a área a pase de Martita. No último segundo Caridad saca de porta cun saque longo que non toca pista local co que se fai un último lanzamento de falta directo ao traveseiro que salva a porteira gaditana.
O martes que vén, 18 de decembro, antes do parón navideño, as Pícaras viaxarán a Ciudad Real e xogarán a terceira eliminatoria da Copa da Raíña ante o Almagro FSF ás 20.30h no pavillón municipal Gemma Arenas Alcázar.
Ficha Técnica CD Burela FS 3-2 Poio Pescamar FS
CD Burela FS (3): Caridad; Dany (C), Dinha, Cami, Emilly – cinco inicial-, Antía Pérez, Patricia, Carolina Pedreira, Cilene, Débora. Entrenador: Julio Delgado.
Poio Pescamar FS (2): Sandra Buzón; Candela, Ale de Paz, Martita, Elena Aragón, –cinco inicial-, Èlia, Rocío Molina, Laura Uña, Irene García, Chuli, Miri, Sofía Rozas. Entrenador: Luis López-Tulla
Goles: 1-0, min.6: Patricia. 1-1, min.24: Èlia. 2-1, min.29: Emilly. 3-1, min.34: Patricia. 3-2, min.36: Laura Uña.
Árbitros: Gael García Schmid, Daniel Eduardo Muñoz García, Gabriel Balea Martínez, Andrea de Luís Iglesia.
TA: Emilly, Rocío Molina.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
