Esixe á Consellería de Sanidade e á Xerencia da Área Sanitaria de Lugo-A Mariña-Monforte , que exerza as súas competencias e que empregue os recursos necesarios para garantir unha atención sanitaria de proximidade
Burela, 20 de decembro de 2024. CIG Saúde A Mariña denuncia que o hospital atópase dende o 13 de novembro cunha soa especialista en uroloxía das tres prazas que ten dotadas o centro. En decembro do 2023 coa marcha do entón xefe da unidade, vai xa 1 ano, Uroloxía quedou de xeito crónico con so dous facultativos.
Dende pasado mes de novembro, por ausencia do segundo facultativo, o servizo de Uroloxía subsiste cunha soa especialista .
Segundo a Central Nacionalista, o Hospital da Mariña debera estar dotado de cando menos 4 médicos especialistas en Uroloxía para cubrir as necesidades dunha comarca con mais de 72.000 habitantes e poder ofertar un servizo de calidade cubrindo as seguintes necesidades:
1.-Dúas consultas diarias activas.
2.-Dous quirófanos de patoloxía oncolóxica mais dous quirófanos de cirurxía ambulatoria semanais.
3.-Probas diagnósticas como por exemplo biopsias para descartar patoloxías oncolóxicas.
4.- Atender aos pacientes ingresados a seu cargo.
5.- Cubrir as gardas médicas da especialidade.
CONSECUENCIAS DE TER UNHA SOA ESPECIALISTA EN UROLOXÍA
Dende CIG Saúde A Mariña explican novamente que “cun só unha Uróloga é imposible atender dúas consulta diarias, pacientes ingresados na planta, facer as probas diagnósticas, manter a actividade cirúrxica e asumir o cadro de gardas hospitalarias”, polo que:
1.- Os pacientes ingresados permanecen no Hospital da Mariña ata o venres, día en que son trasladados ao Hula por falta de especialistas durante o fin de semana.
2.-Derivación ao Hula de pacientes con prioridade 1 tanto para consultas como para intervención cirúrxicas e derivación de pacientes con prioridade 3 a centros privados de Lugo de doentes que levan ata dou anos esperando esperando para ser operados.
3.- Mantéñense activas tan so 2 consultas a tempo parcial por semana, vendo soamente un total de 20 pacientes. No ano 2022, con tres Urólogos en plantilla atendíanse 130 pacientes á semana.
4.- Xérase unha lista de espera temeraria con pacientes pendentes de citar dende 2019.
5.- A actividade cirúrxica pasa de asumir 2 quirófanos de patoloxía oncolóxica á semana a 2 quirófanos en todo o mes de decembro.
CONSECUENCIAS DE QUEDARNOS SEN URÓLOGOS
1. O Hospital da Mariña non asume ingresos de pacientes de Uroloxía.
2. Os pacientes de Uroloxía que precisan de ingreso son trasladados ao HULA onde chegan sen cama asignada, tendo que acudir por Urxencias.
3. Desprográmase a citación de consultas, tanto primeiras como revisións.
4. Aumentarían inda mais as listas de agarda tanto para a realización de probas, como para as primeiras consultas diagnosticas como para as consultas de revisión imprescindibles, multiplicando deste xeito as longas listas actuais.
5. Suspendese toda actividade cirúrxica.
6. Peche do servizo de Uroloxía da Mariña.
A situación de Uroloxía reforza “o que dende CIG-Saúde da Mariña vimos advertindo, o abandono absoluto no que se atopa o Centro Hospitalario e a veciñanza da Mariña por parte da Consellería do SERGAS coa complicidade do Xerente da Área Sanitaria de Lugo e da Dirección do Hospital da Mariña”. “Cansáronse de dicir que pasar a depender de Lugo ía traernos máis e mellores servizos e o tempo danos a razón” sentencian dende a Central Nacionalista. Este é o froito das políticas sanitarias do Partido Popular polas cales “atopámonos con menos e peores servizos, máis derivacións e ingresos no HULA de pacientes da Mariña, máis listas de agarda e a imposibilidade de garantir una sanidade digna e de proximidade que releva aos mariñaos e mariñás a pacientes de segunda categoría”, sinalan dende a CIG-Saúde.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
