Ribadeo, 27 de decembro de 2024. Acisa Ribadeo fai un balance moi positivo do 2024. Neste ano que remata o colectivo empresarial organizou preto de 50 actividades, colaborou en máis de 10 eventos doutras entidades e roza os 170 asociados e asociadas. O obxectivo para o 2025 “é seguir medrando en número de socios”, segundo subliña a presidenta, Carmen Cruzado.
A presidenta de Acisa indica que “queremos que máis empresas se sumen a Acisa Ribadeo. A organización de actividades, a entrega de materiais gratuítos, o asesoramento e a colaboración avalan o traballo que estamos a realizar, o proceso de remodelación que vimos de facer e as novas axudas permitirannos ofrecer mais e mellores servizos. Nesa liña, na programación de accións que redunden na dinamización do noso tecido empresarial e de Ribadeo, imos seguir. Insistimos en que cantas máis empresas sexamos en Acisa moito mellor para todo o empresariado ribadense, porque poderemos facer máis forza diante das administracións para conseguir subvencións destinadas á dinamización do comercio, da hostalería e dos servizos en Ribadeo. E todo iso redundará na economía local. Os pobos teñen vida, grazas ás súas tendas, aos seus bares e restaurantes, aos seus autónomos, as súas empresas… e Ribadeo segue sendo un lugar elixido para emprender e para levar adiante proxectos de vida. E iso é moi importante”.
O xerente de Acisa, Jesús Pérez, explica que “hoxe facemos balance do 2024 no que organizamos 48 actividades, cifra récord e repartimos un gran numero de materiais, preto de 60.000. Colaboramos con 13 entidades ou eventos deportivos, culturais ou festivais como o Torneo de Veteranos, coa SD Ribadeo, coa Media Maratón, co Xara Fest, co Vendaval Fest e coorganizamos, xunto ao Concello o Entroido, o Ribadeo Indiano ou o Nada, actividades que atraen a miles de potenciais clientes ao longo do ano”.
E conta que “pechamos o 2024 con preto de 170 socias e socios, mantendo un número moi relevante tras a remodelación e modernización de Acisa e que estamos a ver como medra nas ultimas semanas tras este proceso e mediante a nova campaña de captación que está en marcha”.
Pérez Prada declara que “estamos moi satisfeitos co traballo realizado este ano, puidemos asentar campañas importantes como o Rasca e Gaña, as xornadas de exaltación gastronómica, o cursos de formación, e con melloras noutras citas como San Valentín, as xornadas Asturias en Ribadeo… Tamén seguimos a colaborar co Concello de Ribadeo nas Panchas, no Ribadeo Indiano, coa a Xunta no Bono Activa, coa Federación de Comercio, nas súas campañas como os Días Azuis ou Merca Local … e no tocante aos materiais puidemos repetir cos vasos de plástico, vasos térmicos, envases e bolsas de comida para levar, bolsas de botellas de viño, bolsas para o comercio, mapas turísticos, materiais de rebaixas e este ano incluímos tamén como novidade os vasos para o ocio nocturno e as bolsas de comercio de tea”.
A presidenta de Acisa, Carmen Cruzado, sinala que “Ribadeo segue sendo referente comarcal tanto en Galicia coma en Asturias no comercio, na hostalaría e no turismo e tamén a nivel nacional. Somos o mellor lugar para comprar, para saborear a exquisita oferta gastronómica da nosa hostalería e somos o centro comercial coas mellores vistas. Poucos lugares poden ofrecer tanto coma Ribadeo. Dende Acisa seguiremos a traballar nos nosos obxectivos, que son facer medrar a Ribadeo e aos seus negocios, axudando a manter eses mais de 600 postos de traballo que xeran os nosos asociados e asociadas e tamén queremos que a nosa asociación siga en auxe para poder organizar moitas mais actividades. Un dos principais obxectivos para o 2025 é seguir medrando en número de negocios asociados, é algo no que levamos traballando desde que chegou esta directiva a Acisa no verán de 2022”.
O xerente de Acisa manifesta que “se falamos de cifras este ano 2024 manexamos un presuposto que no peche de contas roldará os 138.000 euros, aumentando así as previsións iniciais e o presuposto do ano anterior e que estimamos que puideron xerar varios millóns de euros en movemento económico ao longo de todo o ano. Mais de 51.000 euros foron para campañas propias de Acisa, mais de 21.000 destináronse a materiais gratuítos para socios, repartíronse mais de 7.000 euros en vales de compras así como dous grandes premios en forma de viaxes, valorados en preto de 5.000 euros, e destinamos preto de 6.000 euros a colaboracións con outras entidades. Outro dato record foi o dos ingresos por patrocinios privados que neste 2024 estiveron confiando e apoiando a Acisa cunha cifra histórica que chegou aos 15.230 euros. Iso quere dicir que somos un referente para eles e que o noso traballo, a nosa asociación e as actividades que organizamos son un bo escaparate para estas firmas”.
Cruzado Iglesias ten palabras de agradecemento para a iniciativa privada: “agradecemos a grande axuda das empresas privadas que estiveron con nós na Festa do Comercio do 2024 e van estar no 2025, estiveron na Gala de Acisa e volverán estar, contamos con empresas para o Ribadeo Indiano e contaremos de novo coa súa presenza o vindeiro ano. E grazas tamén ás firmas asociadas que estiveron ao noso carón noutras campañas, doando premios, algo que tamén é de agradecer e de destacar neste peche do ano. Tamén aproveitamos a ocasión para lembrar a colaboración da OPP de Burela, de Celtagal e de Asoporcel, xa que grazas á súa xenerosidade puidemos organizar diversas xornadas gastronómicas ao longo de 2024, que foron un reclamo para Ribadeo e para a súa hostalería”.
Pérez Prada subliña que “xeramos unhas 1.000 publicacións en prensa, o noso perfil de Facebook segue medrando con mais de 6.000 seguidores e varios centos de miles de visualizacións ao ano e a nosa web conta con mais de 50.000 visitas anuais, servindo estas plataformas como medios de publicidade e promoción dos nosos asociados e asociadas” .
Dende Acisa, presidenta, xunta directiva e xerente, agradecen a os seus socios e socias a súa confianza, no traballo que realizan. E engaden: “queremos tamén dar grazas ás administracións local, provincial e autonómica por seguir colaborando con nos ao longo do ano, atendendo as nosas necesidades e peticións. Falamos do Concello de Ribadeo, da Deputación de Lugo e da Xunta de Galicia. Aproveitamos a ocasión para desexarlle á veciñanza de Ribadeo e aos visitantes un feliz e próspero 2025 e animámolos a seguir apostando por esta vila, polo seu comercio, pola súa hostalería, polos seus servizos e por Ribadeo como destino turístico”.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
