Cervo, 30 de decembro de 2024. O Partido Popular decidiu pechar o Grupo de Emerxencias Supramunicipal (GES), unha medida que xerou un forte rexeitamento da formación nacionalista. O voceiro do BNG de Cervo, Diego Fernández, foi contundente nas súas críticas ao asegurar que esta decisión é un grave erro que pon en perigo a seguridade dos cidadáns e deixa indefenso a un municipio de máis de 4.000 habitantes ante posibles emerxencias.
O GES foi un servizo fundamental de asistencia en situacións críticas, dando apoio inmediato a todas as localidades de Cervo en caso de incendios, accidentes ou calquera outra emerxencia. Non obstante, a decisión do goberno do PP de pechalo foi criticada como irresponsable polo BNG, que considera que este peche deixará á poboación sen recursos vitais para afrontar situacións de risco.
Desconfianza na xestión dos recursos públicos e falta de transparencia
Diego Fernández subliñou que, hai 15 días, solicitou ao equipo de goberno contas detalladas dos gastos xerados polo servizo de emerxencias para comprobar se existían xustificacións económicas para o seu peche. Porén, segundo denunciou, “o goberno do PP segue sen facilitar a información solicitada, o que evidencia unha total falta de transparencia e respecto á oposición e, sobre todo, á cidadanía”.
“Parécenos incomprensible que, no medio da incerteza e dos riscos de seguridade, o equipo de goberno decida eliminar un servizo tan crucial sen achegar datos claros que avalen a súa decisión”, apuntou Fernández. Ademais, destacou que a falta de acceso ás contas e a opacidade do proceso aumentan a desconfianza na xestión dos recursos públicos.
Máis de 4.000 persoas quedaran desamparadas
O peche do GES deixa sen servizo ás máis de 4.000 persoas da localidade que quedarán sen un imprescindible servizo de resposta rápida ante situacións de emerxencia. “Este será un grave problema para os nosos veciños, e a responsabilidade de calquera consecuencia recae directamente no equipo de goberno do PP. É unha decisión equivocada que pode custar vidas”, concluíu Fernández.
O BNG esixe a reconsideración desta medida e a inmediata presentación das contas solicitadas. “Non imos permitir que se xogue coa seguridade do noso pobo. O Partido Popular debe explicar e rectificar”, engadiu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
