A publicación recolle artigos sobre Altri, a problemática da turistificación ou os freos cautelares do TSXG á vaga eólica
Santiago de Compostela, 5 de agosto de 2024. A organización ecoloxista ADEGA publica o número 92 da Revista Cerna, a maior publicación sobre o medio ambiente e a ecoloxía de Galiza. Nesta ocasión, aborda diferentes ameazas ambientais, como o proxecto de macrocelulosa de Altri, a turistificación, a vaga eólica ou as especies exóticas invasoras para a biodiversidade, mais tamén dá acubillo á educación ambiental, a unha ollada histórica do ecoloxismo galego ou aos retos e novas reflexións que poderían marcar o futuro do movemento.
Esta publicación, a segunda e última do ano 2024, abre, como non podería ser doutro xeito, cos impactos do proxecto de macrocelulosa de Altri e Greenalia en Palas de Rei, en concreto, sobre o río Ulla e a ría de Arousa. Faino cunha entrevista ao xeógrafo Horacio García, coautor do informe do Consello da Cultura Galega sobre Greenfiber; e da man da doutora en hidroloxía Ana F. Santamariña, que debullan as deficiencias do estudo hidrolóxico do chamado Proxecto Gama.
Ollada ao pasado para coller con forza o futuro
Ás portas do 50 aniversario de ADEGA, este número da Cerna tamén quixo botar a vista atrás para coller folgos cara ao futuro. A historiadora Aloia Insua repasa os inicios de ADEGA e a orixe do ecoloxismo galego nun texto no que pon en valor o traballo de tanta xente en defensa do medio ambiente ao longo da historia de Galiza. Pregúntase “como sería a nosa vida se todas aquelas persoas que se mobilizaron non o tivesen feito; como serían o noso aire, a nosa auga, os nosos ríos, as nosas praias; como seriamos nós”.
“Percorrer de cabo a cabo a nosa rede radicular, repasar cada liña aberta na terra, airear, enraizar con máis forza e medrar de novo” é a intención doutro dos artigos -asinado pola Federación Ecoloxista Galega- recollidos na Cerna. Nel exponse un dos retos que o ecoloxismo clásico ten por diante: premer na tecla que permita conectar coas novas xeracións. Así pois, este número mira o presente e o futuro do movemento, tamén a través dun texto que aborda a reactivación do traballo de ADEGA na Coruña cunha delegación renovada, e doutro que procura abrir o camiño da ecoloxía queer en Galiza, co biólogo e antropólogo Alexandre Garrido á escrita.
O fascinante mundo das formigas
Cerna adéntrase logo, acompañada do investigador Iago Sanmartín, no fascinante mundo das formigas, para descubrir como gran parte dos fitos humanos que nos poden vir á cabeza foron acadados milleiros de anos antes por estes pequenos bechos. Viaxa tamén ata as paraxes naturais de Santo Estevo do Ermo (en Barreiros, Lugo) e ata diversos monumentos naturais que se atopan ameazados por especies exóticas invasoras. Analiza, máis adiante, o papel do patrimonio arqueolóxico na prevención dos incendios forestais, a través dun estudo da Universidade de Vigo e do CINTECX.
As paralizacións cautelares de numerosos proxectos eólicos por parte do Tribunal Superior de Xustiza de Galiza centran o seguinte artigo, asinado polo profesor de Dereito Administrativo da USC, Fernando de Abel. Esta Cerna tamén deixa espazo para unha análise acougada da problemática da turistificación sufrida nas comarcas de Vigo e O Morrazo e das respostas que poden darse desde o ecoloxismo. O fracaso de SOGAMA no eido dos residuos, por unha banda, e os perigos de contaminación do uso de antibióticos en animais, pola outra, completan este número.
E Cerna non sería Cerna sen as súas seccións habituais, que veñen cargadas de interesantes recursos e achegas para unha diversa educación ambiental. Xa poden consultarse todos os artigos a través da páxina web da Revista Cerna ou na plataforma ISSU.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
