Foz, 5 de decembro de 2024. O Nadal é tempo de ilusión e de parón nos colexios para os máis pequenos. Polo que Foz enche estes días de actividades para toda a familia. O Concello e ás asociacións culturais programan diversos actos para desfrutar destas datas, anuncia a concelleira de Cultura, Inés López Couto.
O alcalde, Fran Cajoto, explica que “as luces de Nadal xa brillan en Foz e o paseo esta vez pode ter premio. Nos comercios locais e nos edificios municipais (Casa da Cultura, Concello e CENIMA) poderanse atopar os trípticos para participar buscando as sete bólas do dragón agochadas no alumeado de Nadal. As papeletas deberan depositarse no buzon do Concello ata o 4 de xaneiro. O dragón Sheron aparecerá e os Reis Magos entregarán os regalos aos agraciados”.
Esta fin de semana a é a compañía teatral O Centiño quen realiza a representación A morte morrida na Sala Bahía o sábado 7 ás 19.00 horas. Recolleranse donativos para o banco de alimentos municipal. O venres 13 Mircromina teatro traerá a súa Alma de Cartón á Sala Bahía ás 20.30 horas, unha obra para maiores de 16 anos con entrada gratuíta. O sábado 14 será a Coral Polifónica a que encha de música ás rúas de Foz ás 12.00 horas na glorieta de Vilalba e ás 20.00 horas na Igrexa Parroquial, acompañada do grupo Mar Aberto. O día 20 na Sala Bahía ás 20.30 horas a compañía Tropo non tropo representará A morte xusto antes dos bosques; o prezo da entrada será de 10 euros.
A concelleira de Cultura engade que “o Nadal empeza de verdade cos festivais e a partir do 21 teremos o da Subela, o 22 o da Escola de Música e o 23 o do Feitizo. O martes 24 Papá Noel chegará a Foz e os nenos da escola de música cantaranlle e saudará a todos os que queiran visitalo. Será a partir das 12 horas na Praza do Concello, na casiña de Papá Noel. O día 26 comezan as actividades na carpa da Sala Bahía, onde haberá inchables, obradoiros, nerf e moitas actividades en horario de 11 a 14 e de 17 a 20 horas, ata o día 29. O 28 a Banda de Música deleitaranos co seu gran concerto de fin de ano, ás 20 horas na Sala Bahía. E o día 30 na Casa da Cultura teremos un contacontos ás 12 horas, con Paco Nogueiras”.
Inés López Couto anuncia tamén que “xa no 2025 chegarán as súas maxestades os Magos de Oriente. O día 5 a tradicional cabalgata de Foz encherá as rúas de cor de maxia. E para levar mellor un xaneiro sempre difícil o día 12 ás 18.30 horas na Casa da Cultura teremos o concerto de arpas de Lulavai; e pechando o mes o 26 de xaneiro na Sala Bahía ás 12 horas, teatro para os máis pequeniños, Cu-cú, Tas-tás, de Títeres Cachirulo”.
“Esperamos que todos gocemos desta programación feita para que o Nadal sexa unha época de ilusión e desfrute en familia”, finaliza a concelleira de Cultura.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
