O operativo inclúe a disposición de 420 toneladas de sal nos 12 silos cos que conta a entidade, dos que tamén poderán abastecerse os 67 concellos da provincia en caso de emerxencia e fortes temporais
Lugo, 11 de decembro de 2024. O Presidente da Deputación de Lugo, José Tomé Roca, presentou este mércores en Pedrafita do Cebreiro o Plan de Vialidade Invernal despregado polo organismo provincial para a temporada 2024-2025, co obxectivo de garantir unha resposta áxil e eficaz ante as incidencias que poidan xurdir polas inclemencias meteorolóxicas nos 4.217 quilómetros da rede viaria provincial. Este plan inclúe un operativo composto por 112 operarios e 64 máquinas, así como a colaboración de 8 empresas especializadas en conservación e mantemento, que traballarán de forma coordinada cos medios da institución en cada unha das 8 zonas en que se divide a rede viaria.
José Tomé Roca destacou que a seguridade nas estradas “é un dos principais eixos do Goberno provincial e que este operativo busca actuar coa máxima eficacia e rapidez para garantir que as vías de titularidade provincial estean nas mellores condicións para o tránsito seguro durante a campaña invernal”. Subliñou ademais que, dado que máis da metade das estradas provinciais superan os 600 metros de altitude, “estes tramos están especialmente expostos ás inclemencias meteorolóxicas”.
A Deputación conta tamén cun total de 420 toneladas de sal distribuídas en 12 silos situados estratexicamente por toda a provincia. Estes silos tamén estarán dispoñibles para os 67 concellos da provincia en caso de emerxencias ou fortes temporais.
O Plan de Vialidade Invernal busca garantir a seguridade nas estradas provinciais durante todo o inverno, especialmente nas zonas de maior altitude, onde as condicións meteorolóxicas poden ser máis adversas.
Na presentación tamén estiveron a Deputada da Área de Réxime Interior, Promoción do Territorio e Turismo, Pilar García Porto; o Deputado da Área de Promoción Económica e Social, Pablo Rivera; o Deputado da Área de Cooperación e Asistencia aos Concellos e Alcalde do Concello de Castroverde, Xosé María Arias Fernández; o Deputado da Área de Medio Ambiente e Alcalde do Concello de A Fonsagrada, Carlos López; e os rexedores dos concellos de Pedrafita do Cebreiro, José Luis Raposo; o de Cervantes, Benigno Gómez Tadín; o de Meira, Antonio de Dios Álvarez; e o de Navia de Suarna, José Fernández Fernández, entre outras autoridades.
Colaboración cos concellos
O Presidente da Deputación subliñou que o protocolo de actuación do Plan de Vialidade Invernal está a disposición dos 67 concellos da provincia para fomentar a colaboración entre administracións. “Poñemos á disposición dos concellos da provincia todos os recursos necesarios, tanto humanos como técnicos, para que tamén poidan afrontar as emerxencias meteorolóxicas que afecten ás súas estradas municipais”, explicou.
Ademais, a institución provincial subministra sal de mina aos concellos para que poidan atender os problemas que se xeren nas estradas municipais debido ás condicións meteorolóxicas adversas. Deste xeito, “non só garantimos que as vías provinciais se manteñan limpas e sen riscos, senón tamén que os concellos poidan afrontar situacións de emerxencia ou imprevistos en calquera estrada, subministrándose dos silos que a Deputación ten repartidos pola provincia”.
Os depósitos de sal atópanse en Ourol, O Valadouro, Riotorto, Lugo, Becerreá, O Incio, Pedrafita do Cebreiro, Folgoso do Courel, Cervantes, Navia de Suarna, A Fonsagrada e Ribas de Sil. Cada un destes almacéns dispón de 35 toneladas de sal de mina, o que fai un total de 420 toneladas dispoñibles para cubrir as necesidades dos concellos ante as inclemencias do tempo.
Balance da temporada anterior
Segundo os datos do servizo de Xestión Territorial da Deputación, durante a pasada campaña de inverno 2023-2024 realizáronse dúas intervencións por nevaradas nos meses de xaneiro e febreiro. Nas estradas situadas por riba dos 600 metros, leváronse a cabo 8 actuacións debido á presenza de neve e xeo, o que reflicte unha baixa incidencia destes fenómenos. As intervencións por xeo foron máis numerosas, superando as 400 actuacións en toda a rede viaria. O consumo de sal alcanzou as 800 toneladas, acorde ás necesidades da campaña.
27M€ para estradas no 2025
A mellora da mobilidade é unha das liñas de actuación prioritarias da Deputación, tal e como demostra que nos Orzamentos do ano 2024, aprobados polo Pleno esta mesma semana, sobe de novo as partidas destinadas a estradas ata alcanzar os 27M€, o que representa o 21% do orzamento total da Deputación (130 millóns de euros). Estes fondos servirán tanto para obra nova, como para conservación, roza e actuacións do Parque Móbil, en estradas provinciais e municipais.
“Esta cifra supón un incremento do 42% respecto ao orzamento de 2024, reflectindo un claro compromiso coa mellora das infraestruturas. En comparación con anos anteriores, en 2019 destináronse 14 millóns de euros, o que pon de manifesto un esforzo progresivo por aumentar a inversión en estradas, cun incremento de máis de 13 millóns de euros nos últimos seis anos”, afirmou Tomé Roca.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
