Ribadeo, 8 de xaneiro de 2025. Un total de 6.450 persoas pasaron pola pista de xeo de Ribadeo este Nadal, que se converteu nun auténtico reclamo no litoral norte entre Santander e A Coruña. Así o subliñou hoxe o alcalde, Dani Vega, que fixo un balance moi positivo das pasadas festas.
O rexedor declarou: “quero facer unha valoración moi positiva da campaña do Nadal. Comezamos analizando as panchas, esas máis de 240.000 panchas que se venderon. Iso acredita que sigue incrementándose a nosa moeda local, segue chegando a moitos fogares esta axuda que nós creemos que é importante. Polo tanto, vamos seguir investindo nos próximos anos”. E aludiu a “estes 85.000 euros cos que incrementamos a partida presupostaria, dado que a Xunta axudounos con 20.000 euros, creo que ese reforzo económico tamén supuxo un incremento na venta das panchas. Son datos relevantes e positivos. Comezar en setembro, eu creo que é importante, porque é unha axuda a moitas familias no inicio do curso escolar, entón iso vamos volver a repetilo e vamos seguir con esta cantidade de 85.000 euros, que é unha inversión que ten dúas vías: unha axuda directa a moitas familias e tamén aos comercios, nesa xuda a toda unha estrutura comercial que ten Ribadeo”.
Vega referiuse á grande acollida que tivo a pista de xeo: “Ribadeo tamén se converteu nun epicentro do Nadal, dado que Ribadeo tiña moitas actividades, dato tamén significativo polo incremento e tamén positivo. Se este ano tiñamos a pista de xeo, a ela acudiron 6.450 persoas. Ese é un dato moi importante. No 2023 acudiron 5.040. Creo que a pista de xeo é un efecto chamada a moitas persoas que desde Santander á Coruña viñeron a Ribadeo. Isto son os datos que nos pasan e son moi importantes. Creo que hai que seguir nesta liña de activar a vida comercial de Ribadeo. Hai que axudar a que a xente veña a Ribadeo e iso supón un reforzo a toda unha estrutura económica”.
O alcalde lembrou que “tivemos moitas actividades este Nadal: Ribaxogo, pista de xeo, chan interactivo, tamén eses obradoiros que se facían para todas as idades, para todos os nenos e tamén ese abanico de posibilidades culturais, lúdicas, musicais que houbo en Ribadeo, desde o jazz, que felicitamos á organización, tamén á Coral Polifónica, ao Coro Sagrado Corazón, todos os seus concertos, desde as panxoliñas ata o fin de semana pasado, que nos deleitaban con ese concerto conxuntamente con Manoele de Felisa, creo que todo foi un éxito. E tamén os concertos que se fixeron tanto o Xara Fest, deste fin de semana, ou o Vendaval, que organizaba ese pre fin de ano coas uvas, convocándonos a todos os veciños de Ribadeo”.
Para Dani Vega “así se deben facer as cousas, conxuntamente, a sociedade, o Concello, os colectivos, todos xuntos traballando para que Ribadeo siga avanzando. Este Nadal hai uns datos positivos, hai un bo dato económico para axudar á estrutura económica e comercial de Ribadeo e seguir nesta liña eu creo que é moi positivo”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
