A Xunta de Goberno deu luz verde á previsión dos procedementos de contratación de servizos, subministracións e obras que desenvolverá a institución provincial ao longo deste ano que reflicte “a nosa capacidade de planificación, xestión e transparencia”
Lugo, 17 de xaneiro de 2025. A Xunta de Goberno da Deputación de Lugo aprobou este venres o Plan Anual de Contratación 2025 dotado con 27M€. Un documento que recolle a previsión dos procedementos de contratación de servizos, subministracións e obras que desenvolverá a institución provincial ao longo deste ano. Así o informou o Deputado de Promoción Económica e Social, Pablo Rivera Capón, tras a sesión semanal do Goberno.
Segundo indicou o Deputado, a cifra do Plan Anual de Contratación 2025 é “estimativa”, pero a elaboración deste texto “reflicte a capacidade de planificación, de xestión e de transparencia deste Goberno”.
Camiño perimetral do Parque Central de Galicia e estradas en Foz
Por outra banda, a Xunta de Goberno aprobou a licitación das obras para o afirmado do camiño perimetral do Parque Central de Galicia que a Deputación impulsa na parroquia de Nugallás de Antas de Ulla. O orzamento para esta actuación ascende a 154.417,77€ e o prazo de execución será de dous meses. Os traballos contemplan o movemento de terras, a drenaxe, afirmado, estendido de aglomerado en quente e sinalización mediante o pintado de marcas reflexivas brancas.
Rivera Capón sinalou que as obras do Parque Central -nas que a Deputación de Lugo inviste 1,3M€- “avanzan a bo ritmo”. Informou que están rematadas as soleiras do parque infantil e os camiños secundarios; ademais o edificio multiusos está levantado a media altura; está executado o pozo de auga e a depuradora para o saneamento.
En Foz, a Xunta de Goberno acordou licitar ademais por 392.218,9€ un proxecto para a mellora de sete estradas:
1. A LU-P-6303, que é a estrada que conecta Campón e Cordido por Güín. Neste caso, a Deputación actuará do punto quilométrico 2,630 ao 4,741 coa reapertura de cunetas, pavimentación con aglomerado e sinalización.
2. A LU-P-2001, que conecta a estrada autonómica LU-152 e a Nacional 642. A Deputación mellorará os 6 primeiros quilómetros mediante a reapertura de cunetas, pavimentación con aglomerado e sinalización.
3. A LU-P-2013, que vai do colexio de Nois á Praia de Arealonga. A institución provincial reparará puntualmente o pavimento e mellorará a seguridade na zona escolar co reforzo da sinalización.
4. A LU-P-2009, de Peirao de Foz ó Bispo Santo por Marzán. Os traballos afectarán aos 3 primeiros quilómetros, reparando a pavimentación e a sinalización.
5. A LU-P-2006, que une A Cruz coa Praia de Llas. As obras afectarán ao treito comprendido entre os puntos quilométricos 0,949 e o 2,405 con melloras na pavimentación e sinalización.
6. A LU-P-2011, que une Marzán coa Praia de Llas. A Deputación mellorará neste caso os 700 primeiros metros coa pavimentación e a sinalización.
7. A LU-P-3101, de Areas á LU-152 por Oirán, onde a institución provincial mellorará a drenaxe desde o punto quilométrico 8,717 ó 13,024.
O prazo de execución destes traballos, unha vez iniciados, será de tres meses. “Trátase dunha actuación importantísima para Foz, porque afecta a 7 das 17 estradas provinciais que vertebran o municipio. A maioría delas fundamentais para conectar o interior do concello coa zona das praias”, sinalou o Deputado.
Ampliación do prazo do concurso de fotografía
Por outra banda, a Xunta de Goberno aprobou ampliar o prazo da convocatoria da VIII edición do concurso fotográfico: O Patrimonio Etnográfico Material das Reservas da Biosfera Terras de Miño e Os Ancares lucenses. Repartiranse 1.600€ en premios entre os tres primeiros: 800€ para o gañador, 500€ e 300€. Os interesados en participar neste concurso teñen un mes máis, ata o 20 de febreiro, grazas a esta ampliación do prazo para presentar as súas fotografías. Que poderán ser en branco e negro ou en cor, deberán ser tomadas dentro do territorio das Reservas e presentadas en formato dixital xunto cunha copia en papel fotográfico no Rexistro provincial de San Marcos.
Subministración de papel
Adxudicado ademais o contrato para a subministración de papel de fibra virxe para a Deputación A adxudicataria é a empresa Kalamazoo Produtos de Oficina SLU por un importe de 13.068€ e a duración do contrato será dun ano sen posibilidade de prórroga.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
