Burela, 30 de xaneiro de 2025. Os Centros de Menores San Aníbal (Centro de Día e Casa de Familia) e o Centro de Acollida e Inclusión Social María Nazarena deron atención a un total de 52 menores (pertencentes a 43 familias) ao longo de 2024.
A Fillas do Divino Celo – Rogacionistas dan resposta con esta obra social a unha parte importante da demanda existente nestas áreas de atención a menores e inclusión no ámbito comarcal de A Mariña.
Centro de Día de Menores San Aníbal
Polo que se refire ao Centro de atención de día (que dispón de 30 prazas e está operativo os 7 días da semana), no que se atende a nenos, nenas e adolescentes que viven coas súas familias, durante o pasado ano deuse cobertura a 32 usuarios (de 25 familias). O 72% deles eran varóns, o que supón unha baixada de 3 puntos porcentuais respecto ao ano anterior.
Na súa gran maioría, estes menores proceden do municipio de Burela, seguido de Foz, Cervo, Viveiro e Ribadeo. Con idades comprendidas entre os 3 e os 18 anos, ostentan maioritariamente a nacionalidade española (81%).
A alta sobreocupación (de máis do 40%) que experimentaba o Centro nos últimos anos solucionouse xa en 2024, co aumento do número de prazas, que pasou de 20 a 30 co concerto social aprobado pola Xunta de Galicia a finais de 2023.
Casa de Familia San Aníbal
O centro Casa de Familia San Aníbal, que se ocupa en modalidade 24 por 7 de menores que se atopan en situación de garda ou tutela pública por parte da Xunta de Galicia, deu atención durante 2024 a 14 usuarios (de 13 familias).
Tendo en conta o tempo de permanencia de cada un deles e en relación co número de prazas (8) que ten este centro, a porcentaxe de ocupación resultante foi do 124%.
Dos 14 usuarios (10 mozos e 4 mozas), o 64% son de nacionalidade española. Outras nacionalidades existentes son: portuguesa, paraguaia, colombiana, senegalesa e maliana. Estas dúas últimas, en concreto, responden aos dous menores non acompañados que chegaron a Galicia desde Canarias en 2023 e 2024 respectivamente e cunha integración (tanto persoal, como escolar, como mesmo laboral) que está a ser plenamente satisfactoria.
Centro de Acollida e Inclusión Social María Nazarena
En canto ao Centro María Nazarena, que ofrece acollemento temporal preferentemente a mulleres con fillos menores ao seu cargo e en situación de vulnerabilidade, atendeu ao longo do ano 2024 a 7 mulleres e 6 menores. Desas 7 unidades familiares, 2 permanecen aínda no Centro a data de hoxe; mentres que a duración da estancia das outras 5 foi inferior a seis meses.
O primeiro obxectivo deste servizo é, loxicamente, cubrir as necesidades básicas de aloxamento e manutención destas familias, pero ademais facilítaselles orientación e apoio tanto xurídico-laboral como educativo, sanitario e social. Trátase, pois, de favorecer na maior medida posible a súa integración na sociedade, ao mesmo tempo que se fortalece a súa autoestima e tamén a súa independencia.
Os motivos que orixinaron o ingreso destas 7 mulleres e os seus fillos no Centro foron: a exclusión social (4 casos), a violencia intrafamiliar (2) e o desafiuzamento (1).
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
