Viveiro, 30 de xaneiro, 2025. O BNG de Viveiro afirma que “impulsou a iniciativa de recollida de sinaturas para que a Xunta de Galicia asuma a xestión do Conservatorio de Música de Viveiro. Desde o primeiro momento, este proceso desenvolveuse con total transparencia e coa vontade de sumar apoios a unha reivindicación xusta para a veciñanza. Por este motivo, viñeron a Viveiro os deputados parlamentarios polo BNG, Cristina Fernández e Dani Castro, a reunirse no propio Conservatorio de Música de Viveiro co profesorado para expoñer a Proposición non de Lei do BNG para que a Xunta asuma os conservatorios de toda Galiza que non están asumidos pola Xunta e propoñer ao Conservatorio de Viveiro a súa participación”.
“O BNG sempre actuou con transparencia, traballando con rigor e defendendo esta proposta coa máxima claridade. Sorprenden, por tanto, determinadas reaccións doutros grupos políticos de Viveiro, que non participaron na iniciativa en ningún momento pero que, unha vez recollidas as sinaturas, pretenden desvirtuar o traballo realizado”.
“A nosa posición sempre foi de colaboración e construción colectiva polo ben da veciñanza. Cada formación política ten dereito a impulsar as súas propias iniciativas, e desde o BNG sempre respectaremos ese dereito. Do mesmo xeito, pedimos que se respecte o traballo realizado e que non se distorsione a realidade”.
“Ademais, queremos deixar claro que en ningún caso o BNG pretende menosprezar, tapar ou ocultar o traballo do persoal do Conservatorio na recollida de sinaturas. O profesorado desempeñou un papel fundamental neste proceso, implicándose activamente na difusión da iniciativa e no contacto coa comunidade educativa e a veciñanza. O noso único obxectivo foi canalizar esta demanda cara ás institucións competentes para lograr unha solución real e efectiva”.
“Deixamos esta cronoloxía con datas que mostran o traballo desenvolto polo BNG”
-8 de novembro: Viñeron a Viveiro os Deputados Parlamentarios polo BNG, Cristina Fernández e Dani Castro, a reunirse no propio Conservatorio de Música de Viveiro co profesorado para expoñer a Proposición non de Lei do BNG para que a Xunta asuma os conservatorios de toda Galiza que non están asumidos pola Xunta e propoñer ao Conservatorio de Viveiro a súa participación. Míriam Bermúdez, portavoz do BNG e Tenenta de Alcaldía, tamén estaba presente nesta reunión. O profesorado estivo de acordo coa iniciativa, xa que é de xustiza. Existe a Acta do Claustro de Profesores do Conservatorio de Viveiro que demostra a reunión e certifica claramente que é unha iniciativa do BNG.
-10 de novembro: Foi presentada ao público a inicitiva en redes sociais e prensa co títular: “Iniciativa do BNG para que a Xunta xestione o Conservatorio de Viveiro no parlamento galego e no concello”.
-2 de decembro: Fixemos outra comunicación co título “Presentada a iniciativa do BNG para que a Xunta xestione o Conservatorio de Viveiro no vindeiro pleno do 4 de decembro”. Foi o día en que o BNG de Viveiro rexistrou para o pleno do Concello a moción, para que todos os grupos se puideran pronunciar e procurar así un acordo conxunto. O PP de Viveiro non votou a favor polo que non houbo unanimidade.
-17 de decembro: Míriam Bermúdez quixo promocionar aínda máis esta iniciativa, recordando que os pregos estaban para asinar no Conservatorio e no propio Concello, este mesmo día Míriam Bermúdez preguntoulle a María Loureiro se quería saír na foto e pronunciarse ao respecto, a nota saiu co titular de “2400 veciños e veciñas de Viveiro xa confirmaron que queren que a Xunta de Galicia asuma o Conservatorio de Música”. No interior da nota, recórdase unha vez máis que é unha iniciativa do BNG.
-28 de xaneiro: Puxémola como data fin no BNG para presentar as sinaturas no Parlamento Galego ao día seguinte.
-29 de xaneiro: Leva as sinaturas ao Parlamento Galego persoalmente Míriam Bermúdez, no seu propio coche e cos seus propios medios, a Santiago de Compostela onde foron entregadas aos deputados do BNG, Cristina Fdez e Dani Castro, xunto coa portavoz nacional do BNG, Ana Pontón. Ali tamén se xuntaron con outros concelleiros do BNG e persoal laboral dos conservatorios quenes tamén reuniron sinaturas doutros conservatorios de Galiza e que, xunto coas de Viveiro, sumaron un total de 9050 sinaturas. Viveiro destacou como un dos casos máis significativos, tanto pola súa singularidade como polo impacto económico que supón para o Concello. Isto tamén foi anunciado baixo o titular “O BNG rexistra do Parlamento Galego a súa iniciativa de recollida de sinaturas para que a Xunta asuma o Conservatorio”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
