Máis dun cento de persoas asistiron á concentración en defensa da atención primaria no municipio, convocadas polo BNG de Riotorto
Riotorto, 7 de xaneiro de 2025. A veciñanza de Riotorto mobilizouse este martes en defensa do seu centro de saúde. Máis dun cento de persoas asistiron á concentración, convocada polo BNG, para reclamar a cobertura das prazas de medicina familiar do centro de saúde, que leva dous meses sen atención médica estable.
“Non nos conformamos cun consultorio por horas, esiximos atención médica a tempo completo, con persoal estable, traballando en condicións adecuadas para facer un seguimento e un control dos pacientes, que é para o que está prevista a atención primaria”, foi a demanda expresada pola portavoz municipal do BNG, Vanesa Gómez, durante a concentración, que se celebrou diante do centro médico.
“O Partido Popular leva quince anos de goberno e quince anos preparando o desmantelamento nos centros de saúde do rural. E aproveitaron a pandemia para pisar o acelerador a fondo, recortando médicos a base de non cubrir baixas como fixeron aquí facendo consultas telefónicas, e automatizando procedementos para alonxar a xente das consultas”, explicou a voceira nacionalista.
O centro de saúde de Riotorto ten asignadas dúas prazas de medicina familiar. Unha delas leva máis de tres anos sen cubrir por unha baixa da persoa titular, que nunca foi substituída. A segunda quedou vacante a mediados de novembro por un traslado. Desde esa data, o centro de médico só ten atención médica a tempo parcial, en horarios variables.
Convocatoria para manter a mobilización en defensa da atenciòn primaria
O BNG de Riotorto manterá a mobilización nas vindeiras semanas. O vindeiro sábado 11 de xaneiro – ás 12.00 horas – celebrarase unha xuntanza aberta na Casa da Cultura para acordar coa veciñanza e cos colectivos que queiran sumarse o calendario de accións a desenvolver para recuperar a atención sanitaria no municipio.
A formación nacionalista presentará no Parlamento de Galicia unha iniciativa para reclamar a cobertura das prazas de medicina familiar no centro de saúde de Riotorto da man do deputado Daniel Castro, que tamén participou na concentracion desta mañá
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
