O senador mariñán advirte dos “prexuízos” que provoca o desinterese Ministerial polo futuro da actividade e dos empregos que xera a única fábrica de produción de aluminio primario que opera en España
San Cibrao, 3 de xaneiro de 2025. Os senadores do PP lucense diríxense ao Goberno de Pedro Sánchez para que aclare por escrito “cando convocará a reunión da mesa de seguimento do pacto de Alcoa”, toda vez que suspendeu, de forma unilateral, a reunión que estaba prevista o luns 9 de decembro e na que, entre outros asuntos, se debera analizar a nova situación tralo pre-acordo con Ignis como socio inversor.
Os populares preguntan no Senado formalmente ao Executivo sobre os motivos da anulación desa reunión que xa se tería que ter celebrado con anterioridade. O Goberno de Sánchez comprometérase a convocar unha reunión cada trimestre, pero non se celebra ningunha dende o 12 de xuño. É dicir, dende fai 6 meses e medio.
O mariñán José Manuel Balseiro advirte dos “prexuízos” que provoca o desinterese do Goberno de Sánchez polo futuro da actividade e dos empregos que xera a única fábrica de produción de aluminio primario que opera en España.
Así mesmo, tras confirmar o Executivo nunha resposta a outra pregunta do senador do PP lucense formulada anteriormente que non estaba previsto que participaran os ministros -a previsión era que estivese presidida pola Secretaria de Estado de Industria-; esixen ao Goberno de Sánchez que aclare se na próxima reunión participarán os actuais titulares dos ministerios de Industria, Enerxía e Turismo e Transición Ecolóxica e Reto Demográfico, “tal e como demanda o comité de empresa”.
Balseiro lembrou que “o presidente da Xunta manifestou a súa vontade de asistir para garantir que a reunión sexa do máximo nivel e forzar a asistencia tamén, como mínimo dos respectivos Ministros”.
Os senadores puideron coñecer recentemente a situación dos traballadores nunha reunión cos representantes do comité de empresa na que participaron a alcaldesa de Cervo, Dolores García Caramés, e o alcalde de Xove, Demetrio Salgueiro. Os representantes do PP no Senado tamén lles trasladaron as respostas do Goberno de Sánchez as distintas preguntas coas que fixeron seguimento da situación da planta ao longo do 2024 para que “o comité de empresa coñeza a postura do Goberno de Sánchez en relación a Alcoa”.
Os populares reivindican “a continuidade da actividade na planta da Mariña e o mantemento dos postos de traballo directos e indirectos”.
DEBERES PENDENTES DO GOBERNO DE SÁNCHEZ
Balseiro lembra que “os parques eólicos dependentes do Goberno do Estado e vinculados a Alcoa continúan sen autorización despois de máis dun ano e a pesar de que o secretario xeral do PSdeG-PSOE prometera resolver a situación”. En materia de enerxía a prezos competitivos, “tampouco hai data para a aprobación dun novo estatuto electrointensivo”.
Así mesmo, explica que “o Goberno de Sánchez tampouco esgotou o tope máximo das axudas por CO2 e, incluso, no caso de que unha vez implantadas as distintas medidas de apoio non sexan suficientes tampouco teñen vontade de cumprir os reiterados acordos parlamentarios e intervir de forma temporal e instrumental Alcoa.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
