Viveiro, 8 de xaneiro de 2025. A Tenencia de Alcaldía de Viveiro lembra á veciñanza a importancia de seguir a Ordenanza Municipal Reguladora da Convivencia, Limpeza e Residuos do Concello.
Entre os puntos máis destacados desta ordenanza están ós relativos a establecementos comerciais, sinalando que aqueles que conten con terraza están obrigados a manter limpa a vía pública afectada, a limpar ao final de cada día e a contar con papeleiras e cinceiros.
Ademais, lémbrase que non está permitido tirar ao chan cabichas, cáscaras, papeis, gomas de mascar, envoltorios ou calquera outro desperdicio, que deberá ser depositado nos contedores instalados para tal fin.
A este respecto, lémbrase tamén que na Ordenanza Municipal da Instalación de Terrazas e Veladores indica que ao finalizar o horario de funcionamento do mobiliario, salvo o expresamente autorizado, deberá quedar retirado ou apilado na menor superficie posible, causando o menor impacto visual e evitando molestias ao tránsito peonil e ao servizo de limpeza.
A ordenanza de Convivencia, Limpeza e Residuos trata tamén a cuestión da separación dos residuos. Por unha banda sinálase que o vidro deberá ser depositado entre as 20:00 e as 22:00, mentres que os envases, o papel e o cartón poderán ser depositados a calquera hora.
No caso dos restos orgánicos e mais da fracción resto, en verán será despois das 21:00, e o resto do ano, a partir das 20:00.
Ademais, a ordenanza contempla sancións leves de entre 50€ e 750€, graves de entre 751€ e 1.500€ e moi graves de entre 1.501€ e 3.000€ dependendo da severidade da infracción.
Entre os motivos de sanción contemplados está non manter limpa a superficie da vía públicaque se ocupe con veladores ou cadeiras de terrazas de cafés, bares, restaurantes e establecementos análogos.
Tamén se prohibe o almacenamento de materiais ou produtosde calquera tipo na vía pública. No caso de terrazas en vía pública estarase ao disposto na ordenanza municipal correspondente.
Será infracción así mesmo depositar residuos dentro dos contedores situados na vía pública fóra das horas previstas, ou depositar os residuos sen bolsa ou sen efectuar a separación de fraccións de recollida selectiva.
Tampouco se permite verter residuos líquidos ou susceptibles de licuarse, manipular contedores ou desplazalos fóra das súas ubicacións nin arroxar á vía pública residuos tales como cabicha, papeis, chicles, envoltorios ou calquera outro desperdicio similar.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
