Esta proba, que combina deporte e solidariedade, inaugura o circuíto +KmsBarreiros 2025, composto por un total de 6 carreiras que se celebrarán ao longo do ano en Barreiros
Barreiros, 8 de xaneiro de 2025. O Concello de Barreiros organiza a súa tradicional Andaina e tamén a Carreira Popular Solidaria de Reis, que terán lugar este domingo, 12 de xaneiro, nas inmediacións do Centro Sociocultural de San Cosme.
A xornada dará comezo ás 10:00 horas coa entrega de dorsais. Ás 11:00 horas terá lugar a saída da andaina solidaria, cun percorrido de 9 km e unha dificultade media-baixa.
Posteriormente, realizaranse as probas infantís, organizadas por categorías e adaptadas ás distintas idades, que se sucederán a partir das 11:10 horas. Finalmente, ás 12:00 horas, dará comezo a carreira absoluta cun percorrido de 8 km.
Dani García, concelleiro de Dinamización e Participación Veciñal, destaca o carácter integrador e solidario desta xornada. “Este día celebramos moito máis que unha competición deportiva. Buscamos fomentar hábitos de vida saudables, apoiar causas sociais e crear un espazo para o encontro e a convivencia. Desde o Concello de Barreiros animamos a toda a veciñanza a participar e a desfrutar dun día que une deporte e solidariedade”.
As inscricións
O prazo de inscrición está aberto ata este xoves, 9 de xaneiro, e pode realizarse a través da web www.maiskmsbarreiros.gal.
O total do importe recadado polas inscricións na andaina así como o aporte solidario obtido da carreira será doado integramente á asociación “Saúde Mental A Mariña”.
O circuíto +KmsBarreiros
A participación en calquera das probas do circuíto implica a inscrición automática na clasificación xeral de +KmsBarreiros. Para optar aos premios finais, as persoas participantes deberán completar, iso si, un mínimo de 4 das 6 carreiras programadas ao longo do ano. Ademais, o circuíto permite a creación de equipos, ofrecendo a oportunidade de competir conxuntamente e sumar puntos como grupo, o que fomenta o traballo en equipo e a camaradería.
Para máis información sobre as probas e o circuíto +KmsBarreiros, pódese consultar a web www.maiskmsbarreiros.gal ou descargar a app “Máis Kms Barreiros”. Tamén contactando co Concello de Barreiros.
García agradece a colaboración e apoio das asociacións implicadas: Protección Civil de Barreiros, A.D. Augas Santas, A.D. Praias de Comado e o Colectivo Cultural Ollomao, así como o apoio de empresas patrocinadoras que fan posible estes eventos.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
