Rematamos un ano no que a ILUSIÓN, o TRABALLO e a GRAN CAPACIDADE DE XESTIÓN foron os piares fundamentais para achegarnos ó obxectivo que nos trouxo ata aquí, que RIBADEO AVANCE.
ILUSIÓN, tan importante para contaxiar esas ganas de que todo funcione de maneira organizada. TRABALLO, porque sen traballo e dedicación non se avanza. Un ano de moitas horas e moita aprendizaxe que se viron reflectidas no día a día de Ribadeo, e como non, CAPACIDADE DE XESTIÓN, porque o Concello non ten capacidade económica para afrontar as necesidades que precisa como cidade de presente e tamén de futuro para os nosos pequeniños de hoxe. E a nós non nos sirve o conformismo nin o “deixarse levar”.
Neste ano e sete meses traballamos nun Ribadeo máis social. Hospital Asilo, unha inversión de 1,6m€, dos que a Xunta de Galicia aportou 700.000€; Centro de Día, 70.000€ de inversión 100% da Xunta de Galicia; Cestiña dos Arrolos, iniciativa do Concello na que colaboramos coa Asociación Saúde Mental A Mariña e cofinanciada coa Xunta de Galicia; melloramos o edificio da Escola de Música cunha inversión de 80.000€ tamén financiados pola Xunta de Galicia, eliminando as barreiras arquitectónicas na entrada lateral, instalando un ascensor e cambio de ventás; seguimos investindo na mellora da Escola Infantil, xa o facíamos dende a oposición e seguimos dende o goberno cunha inversión de 25.000€; creamos prazas de aparcadoiros rápidos para os clientes das farmacias, un dos primeiros Concellos en facelo; melloramos a accesibilidade da Praza Pancho Maseda, humanizámola e puxemos nova iluminación; renovouse o Parque de San Miguel, no que aínda queda a mellora do peche no primeiro trimestre de ano.
Ribadeo tamén viviu unha gran transformación na limpeza, ,temos un Ribadeo máis limpo e máis coidado, actuamos nas áreas recreativas e en xardíns, realizouse unha poda onde había anos que non se facía e elimináronse as árbores que, baixo informe técnico, causaban algún tipo de perigo e seguiremos traballando para a procura do Ribadeo limpo e coidado que queremos.
No Plan Avanza Rural, cun investimento de 685.000€ para a mellora de vías de comunicación do noso interior e tamén da costa, aí temos a estrada da costa ata Rinlo que xa se volvera intransitable ó igual que moitas das estradas da zona do interior. Seguiremos actuando nas que non chegamos este ano; limpeza de cunetas e pistas de terra da concentración parcelaria. Somos o Concello con máis inversión na mellora das estradas, e dentro do programa Fontes Vivas recuperamos a fonte de A Graña e a de Cedofeita, porque as fontes tamén forman parte do noso patrimonio e non merecen desaparecer debaixo das silveiras.
Impulsamos actividade lúdico deportiva e cultural como fonte de dinamismo e acelerador económico.
Un ano de moito traballo feito e moitos proxectos en marcha para os vindeiros anos. Dende o equipo de goberno desexámoslles un FELIZ ANO 2025 a todos os ribadenses. Nós agardámolo XUNTOS, con moita ILUSIÓN e GANAS DE TRABALLAR para a procura do Ribadeo que todos queremos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
