Xosé Manuel Golpe advirte do baleiro legal que está a provocar numerosas trabas na creación de comunidades de enerxías renovables
Santiago de Compostela, 21 febreiro 2025. O BNG acadou o acordo do Parlamento para que a Xunta traslade ao Goberno estatal unha proposta de regulación das comunidades enerxéticas de base cidadá que, entre outras cuestións, recoñeza as comunidades de montes veciñais en man común como comunidades enerxéticas de pleno dereito.
Así o defendeu o portavoz nacionalista de Enerxía, Xosé Manuel Golpe, nunha proposición non de lei na comisión parlamentaria de Industria e Enerxía, na que recordou que en Galiza existen arredor de 2.700 comunidades de montes veciñais que xestionan máis de 600.000 hectáreas, aproximadamente o 20% do territorio de todo o País, que coa actual regulación non poden actuar como comunidades enerxéticas.
Golpe advertiu que aínda que é bastante recorrente focalizar as comunidades enerxéticas na enerxía eléctrica de autoconsumo, sobre todo fotovoltaico, o certo é que unha comunidade enerxética pode promover proxectos no ámbito térmico.
“E se falamos de enerxía térmica renovable, falamos de biomasa, e aí é onde entran en liza as comunidades de montes veciñais en man común”, afondou, para reclamar o recoñecemento explícito por parte do Executivo central para que as comunidades de montes mancomunadas poidan actuar como comunidades enerxéticas, tal e como tamén xa solicitou a Organización Galega de Comunidades de Montes Veciñais ao Goberno estatal.
O deputado do BNG defendeu esta proposta poñendo o foco tamén na falta de regulación das comunidades enerxéticas, xa que, tal e como recordou, a día de hoxe, a única base legal existente é o real decreto 23/2020, que modifica a lei do sector eléctrico, e que introduce a definición de comunidade de enerxías renovables.
“Pero, aínda así, unha definición non regula o funcionamento destas comunidades enerxéticas e este baleiro legal provoca na actualidade moitas trabas e restricións que dificultan a creación de comunidades locais de enerxía”, afondou, para subliñar a continuación que a falta de seguridade xurídica está a provocar a ralentización de proxectos que, moitas veces, subliñou, acaban por reconverterse en “proxectos de xeración, de autoconsumo compartido, para salvar ese baleiro legal”.
Ademais, sinalou como dificultades engadidas as limitacións aplicadas na práctica cos 500 metros de distancia entre o punto de produción e o consumo (dous quilómetros no caso de que a instalación sexa cuberta) ou co límite administrativo de 100 KW para que a tramitación da instalación se realice a través dun réxime simplificado.
De igual xeito, tamén indicou que están sen regular as facultades que a propia lei do sector eléctrico atribúe ás comunidades enerxéticas en materia de distribución ou comercialización de electricidade, dado que, na teoría, calquera comunidade pode exercer as funcións de distribución e comercialización, pero isto entra en conflito coa separación de actividades que ditamina a propia lei do sector eléctrico.
Nesta liña, considerou cando menos “curioso” que, cando a Xunta leva tres convocatorias de axudas dedicadas en parte a que os concellos promovan a creación de comunidades enerxéticas, “non haxa ningunha regulación sobre este aspecto”, o que está a provocar un “balbordo de fondo” que deriva en posicións moi diferentes no ámbito local, con municipios que facilitan que os proxectos cheguen a bo porto ou con outros que mesmo impiden que o concello se beneficie de participar en proxectos de comunidades enerxéticas.
Con todos estes aspectos sen contemplar no marco lexislativo actual, Golpe incidiu no feito de que este baleiro legal non deixa de ser “unha traba constante e continua” ao desenvolvemento de comunidades enerxéticas, polo que rematou a súa intervención apuntando á necesidade dunha regulación completa e ben desenvolvida neste ámbito de actuación.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
