O líder marcou aos dous minutos de xogo e sufriu para conseguir unha sentencia que chegou no treito final, cos locais envocardos na busca do empate
Burela, 22 de febreiro, 2025. O conxunto masculino do Burela FS volveu dar unha gran imaxe na visita a Vista Alegre do líder, un Movistar Inter que tivo que suar ata o último minuto para levar os tres puntos (0-3). Os burelistas non puideron lograr un mellor resultado porque careceron de eficacia e estreláronse ante o meta visitante, un Jesús García que fixo un auténtico partidazo. Os interistas adiantáronse cun tanto aos dous minutos e non lograron sentenciar ata dentro dos últimos 120 segundos de xogo, cos locais xa envorcados sobre o marco interista.
O Inter comezou cunha marcha máis e creou dúas ocasións que lle bastaron para poñerse por diante. Na primeira acción, aos 36 segundos, Chaguinha topábase co pau nun disparo escorado que tocaba levemente Kaluza. O internacional xeorxiano non perdoaría na seguinte concluíndo unha acción rápida dos madrileños. Carlos Bartolomé, desde o á dereita, tocaba un balón a banda contraria, deixábaa pasar moi ben Cecilio para fixar a Isma e Chaguinha de primeiras batía a Kaluza cun gran disparo cruzado.
Despois dun inicio titubeante, o cadro local foi aos poucos desperezándose e Pitero tivo a primeira ocasión nun cabezazo demasiado frouxo que detivo sen problemas Jesús García. Na contra, Lucao tivo o segundo, pero o seu remate cruzado foise lixeiramente desviado. Tería máis dificultades o meta visitante no seguinte intento dos locais, que chegou no minuto 7 por mediación de Araya cun lanzamento desde o costado esquerdo. Seguía buscando o empate o conxunto mariñao e un minuto máis tarde teríao nos seus pés Charly, pero o seu remate tras unha asistencia de Rikelme, e cando Jesús García non estaba baixo paus, sacábao un defensa torrejonero.
A resposta dos de Alberto Riquer foi instantánea e unha gran paralela de Carlos Bartolomé deixaba só a Cecilio ante Kaluza, pero o internacional polaco volvía gañar a partida ao español. O partido era un toma e daca constante e a seguinte gran ocasión era para os locais. Araya arrincaba polo á esquerda índose con calidade de Carlos Bartolomé, trazaba unha gran parede con Pitero, pero o seu remate íase por moi pouco.
Superado o ecuador, Kaluza metía as dúas mans nun remate moi potente de Pablo e de novo Araya realizaba unha parede, nesta ocasión con Alberto, para volver plantarse só ante Jesús García, pero volvía resolver ben o man a man o meta madrileño. O capitán chileno, omnipresente neste tramo de partido en campo contrario, tería unha nova oportunidade, pero o seu remate non atopaba o camiño do gol nin a Alberto no segundo pau, xa que despexaba o balón previamente un futbolista madrileño.
O Burela acumulaba ocasións no marco contrario, pero a falta de eficacia condenaba aos discípulos de David Rial, que volverían ter outra grandísima ocasión no minuto 15. Kaluza enviaba un balón en longo que baixaba con calidade Juninho, pero o seu disparo desde a frontal íase demasiado alto. Tomaría a substitución Isma, que roubaba un balón e armaba a perna esquerda para disparar. Sacaba outra vez un pé abaixo Jesús García. A última do primeiro tempo chegaría por mediación de Charly nunha falta directa ante a que realizou unha gran intervención Jesús García.
O cadro laranxa seguiu tentándoo tras o paso polos vestiarios e o empate estivo a piques de chegar nun remate de Alberto que detiña en dous tempos Jesús García e ao que non chegaba por pouco para remachar o balón Pitero. Despois probaríao Isma cunha tixeira de bela factura que impactaba no corpo de Raya.
Cando parecía que o 1-1 estaba moi preto, a punto estaba de chegar o 0-2 dos visitantes nun man a man de Drahovský e noutro de Chaguinha, pero en ambas as ocasións aparecía Kaluza, que o facía de novo nun remate afastado de Javi Mínguez cun bo pé.
O cadro mariñao quitouse a presión sobre o seu marco cunha acción de Rikelme, que baixaba moi ben o balón co peito e despois empalmaba un potente disparo que se foi rozando o pau esquerdo da portería de Jesús García por moi pouco.
O partido seguía con moitas ocasións, pero só cun tanto grazas á gran actuación das dúas metas. Kaluza volvía aparecer nun disparo de Carlos Bartolomé e nun disparo peligrosísimo de Bebe, no que tivo que voar para evitar o gol. Na seguinte non podería facer nada xa o polaco, pero Cecilio remataba fóra un pase da morte de Chaguinha tras unha perdida de Juninho.
Tras esta ocasión, o Burela volveu redobrar a súa presenza en campo contrario e tiveron varias boas oportunidades para igualar. Jesús García sacaba un man a man ante Araya e logo metía unha man espectacular ante Charly, que se quedou só diante do porteiro madrileño tras unha gran asistencia de Isma.
Cos burelistas envorcados, Movistar Inter sentenciaba o partido nos dous últimos minutos. Bebe anotaba a pracer un balón morto que se atopaba tras unha contra de Raya. Rikelme saía coa camiseta de porteiro-xogador e, tras dous intentos de Isma nos que interviña Jesús García, Cecilio anotaba o terceiro e definitivo nun contragolpe no que se atopaba só a Marc Campàs defendendo o marco mariñán.
Ficha Técnica Burela FS 0-3 Movistar Inter
Burela FS (0): Kaluza; Araya, Alberto, Rikelme, Isma -quinteto inicial-, Pitero, Juninho e Charly.
Movistar Inter (3): Jesús García; Raya, Cecilio, Chaguinha, Carlos Bartolomé -quinteto inicial-, Lucao, Drahovksý, Bebe, Javi Mínguez e Pablo.
Goles: 0-1, min. 2: Chaguinha. 0-2, min. 38: Bebe. 0-3, min. 40: Cecilio.
Árbitros: García Robles e Moreno Reina (Andalucía). Amoestaron ao técnico local, David Rial, así como aos seus xogadores Alberto e Isma. Polo cadro visitante recibiu a amarela Pablo.
Incidencias: Encontro da décimo novena xornada da Primeira División masculina disputado no pavillón de Vista Alegre ante uns 1.000 espectadores.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
