Os rapaces e rapazas poderán obter información sobre diferentes axudas, como o Bono Emancípate, dispoñible a partir deste xoves 6 de febreiro
Viveiro, 3 de febreiro de 2025. O Concello de Viveiro informa á mocidade do municipio de que poden recibir información, orientación e asesoramento de xeito gratuíto a través da OMIX, a Oficina Municipal de Información Xuvenil de Viveiro.
Entre as cuestións nas que a OMIX ofrece a súa axuda están o acceso a estudos oficiais, convalidacións, probas de idiomas, traslados de expediente, homologación de estudos estranxeiros, inscrición nas probas libres de diversos niveis educativos ou obtención de certificados de profesionalidade e competencias clave.
“Como Cidade Amiga da Infancia, Viveiro ten o obxectivo de seguir traballando para facer do municipio un lugar máis respectuoso para a infancia e mocidade”, sinala a alcaldesa María Loureiro.
“Convidamos a toda a rapazada a coñecer a actividade da OMIX e da área de Xuventude visitándonos ou a través das redes sociais de @xuventudeviveiro”, engade a rexedora.
No referente ás bolsas de estudo, os servizos máis demandados son a tramitación de solicitude de bolsa MEC para os distintos niveis educativos, especialmente para nenos e nenas con necesidades educativas especiais.
Tamén destacan a obtención de axudas das distintas universidades, da administración autonómica ou doutras entidades, así como a tramitación das axudas de material escolar e libros de texto para ensino obrigatorio ou das bolsas de mobilidade Erasmus.
A OMIX tamén informa sobre as distintas convocatorias destinadas á mocidade como o bono cultural xove, as axudas para o carné de conducir, a inscrición en garantía xuvenil, a formación para o emprego ou as convocatorias de emprego público.
Ademais, proporciónase apoio técnico para a realización de trámites que requiren identificación dixital, como as solicitudes de clave pin, certificado dixital ou chave 365. O servizo da OMIX é diario e tanto presencial como telemático.
Dende o Concello lémbrase así mesmo que a mocidade do municipio pode solicitar información e axuda co trámite do Bono Emancípate, dispoñible a partir do 6 de febreiro.
Esta nova liña de axudas está dirixada a menores de 36 anos que contan cunha fonte regular de ingresos e, non superando un determinado límite de renda, sexan titulares dun contrato de arrendamento ou teñan subscrito como adquirentes a compra dunha vivenda con posterioridade ao 31 de maio de 2024.
Entre as outras iniciativas impulsadas pola área de Xuventude do Concello de Viveiro atopamos tamén ao Grupo Municipal de Participación Xuvenil. O prazo de inscrición no mesmo permanece aberto todo o ano, e as reunións celébranse o segundo e cuarto sábado de cada mes de 11:00 a 13:00 horas na casa do Concello.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
