Burela, 13 de febreiro de 2025. O Concello de Burela informa do remate das obras de ampliación e mellora da rede de abastecemento na rúa Lamestra. O seu prezo de licitación foi de 48.315,45 euros, e foron subvencionadas pola Xunta de Galicia, que aportou 41.072,36€.
A actuación permitiu mellorar o abastecemento de auga nesta rúa e nos seus cruces, creando un sector diferenciado do anterior, comprendido entre as rúas Eijo Garay, Avenida da Mariña e Nosa Señora do Carme. O obxectivo desta sectorialización é localizar fugas de xeito máis sinxelo.
“Seguimos mellorando a rede de abastecemento de Burela, que xa é de por si unha rede moi eficiente”, sinala o concelleiro de Obras, Ramiro Fernández Rey.
“A verdade é que non estamos tendo moitas avarías grazas a todas estas actuacións que estamos facendo”, explica o edil. “Xa tiñamos sectorizada a rede en 7 zonas, con esta nova autorización pasamos a ter 8”, engade.
Fernández Rey explica que “o obxectivo é seguir sectorizando zonas, basicamente para ter moi controlada a rede e saber practicamente no momento onde hai fugas e ir directamente a solucionalas”.
“Deste xeito gañamos en eficiencia e rapidez para solucionar calquera tipo de problema”, afirma o edil, que indica que “este é o obxectivo final destas obras que se están facendo, dada a importancia tanto medioambiental como económica da perda de auga”.
Pola súa banda, a alcaldesa de Burela, Carmela López, indicou que “Burela ten uns índices moi altos de eficiencia na rede de abastecemento, pois rondamos o 90%”.
“Queremos seguir pulando para chegar ao 100%, é difícil, pero nós traballamos para intentar non ter ningún tipo de fuga na rede”, subliñou a rexedora.
“Continuaremos traballando por mellorar todos aqueles aspectos da rede nos que vexamos que temos algún tipo de dificultade ou que poidamos mellorar”, concluíu.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
