Esta iniciativa chega este ano á súa segunda edición este venres no Salón de Actos do Pazo de San Marcos a partir das 09:00 horas. O encontro está aberto ao público xeral ata completar o aforo
Lugo, 24 de marzo de 2025. A Deputación de Lugo organiza para este venres, 28 de marzo, as II Xornadas Feministas = Igualdade, a iniciativa que se enmarca dentro da programación de actividades que puxo en marcha a institución provincial para conmemorar o Día Internacional da Muller ao longo deste mes de marzo. O encontro, que arrincará ás 09:00 horas, terá lugar no Salón de Actos do Pazo de San Marcos e vai dirixido a alumnos e alumnas de 4º de ESO e 1º e 2º de Bacharelato aínda que tamén está aberto ao público en xeral.
Esta xornada, posta en marcha o ano pasado pola Deputación de Lugo, ten como obxectivo crear un encontro de debate e reflexión e concienciar á mocidade na perspectiva e na igualdade de xénero. A asistencia é gratuíta ata completar o aforo e deberá realizarse unha inscrición previa a través do correo electrónico protocolo@deputacionlugo.org.
Programa
O acto iniciarase ás 09:00 horas coa entrega de acreditacións ás persoas participantes e ás 09:30 horas o Presidente da Deputación de Lugo, José Tomé Roca, inaugurará as II Xornadas Feministas = Igualdade. Seguidamente, ás 09:35 horas terá lugar o primeiro relatorio, A Igualdade fronte á desinformación e as loiadas, da man de Zua Méndez e Teresa Lozano de Towanda Rebels. Ás 11:30 horas realizarase un descanso e ás 12:00 horas retomarase a programación con Cristina Louzán e Priscila Retamozo, de PRISMA Expertas en Igualdade, coa charla Hackeando ao machismo. Xa ás 13:30 horas a actriz Jazmín Abuín presentará o monólogo Riquiña! E, por último, ás 14:00 horas pechará o evento a Deputada de Muller e Igualdade, Marisol Morandeira Morandeira.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
