O centro ribadense, adscrito á Axencia Galega da Calidade Alimentaria, programou para o vindeiro día 4 de abril un seminario sobre oportunidades de negocio en relación coa produción e comercialización das fabas de calidade
Ribadeo, 24 de marzo de 2025. O Centro de Formación e Experimentación Agroforestal (CFEA) Pedro Murias de Ribadeo, adscrito á Axencia Galega da Calidade Alimentaria da Consellería do Medio Rural, acollerá o vindeiro día 4 de abril, venres, unhas xornadas informativas sobre oportunidades de negocio en relación coa produción e comercialización das fabas de calidade.
Esta iniciativa está promovida pola Xunta en colaboración coa Asociación Galega de Cooperativas Agroalimentarias (Agaca) e forma parte das accións de formación e I+D+i postas en marcha a prol da Faba de Lourenzá. A actividade enmárcase ademais no programa de actuación 2025 da Rede Eusumo. A Rede Eusumo é unha rede de colaboración impulsada pola Consellería de Emprego, Comercio e Emigración para o fomento do cooperativismo e a economía social, que conta co financiamento do Ministerio de Traballo e Economía Social.
Os obxectivos do ciclo formativo no que se integra esta xornada pasan por explicar as vantaxes e oportunidades do emprendemento cooperativo, especialmente en cooperativas agrarias, de explotación comunitaria e de traballo asociado; promover o coñecemento de novas producións agrarias e gandeiras en ámbitos agroalimentarios de interese crecente en Galicia como oportunidades de negocio; impulsar a xeración de emprego cooperativo nos procesos de produción agraria e/o gandeira e fomentar a fixación de poboación no rural na contorna das cooperativas.
Programa
O programa desta acción en particular centrarase en diferentes aspectos. En primeiro lugar, no cultivo das fabas de calidade, abordando cuestións como as características agroclimáticas, manexo de chan e preparación de terreo, ciclo de cultivo e técnicas de sementa, fertilización e rega (boas prácticas para optimizar a produción).
En segundo termo, a directora xeral de Traballo Autónomo e Economía Social, Marta Mariño, explicará o apoio a este tipo de iniciativas de emprego en economía social por parte da Xunta. A seguir, tratarase a selección de sementes para a produción de fabas de calidade e a sanidade da semente de Faba de Lourenzá.
O programa complétase con relatorios acerca do cambio climático e as pragas e enfermidades na selección de sementes de faba, a calidade e certificación deste produto de calidade e a comercialización e as tendencias de mercado, con especial atención á xestión cooperativa.
As persoas interesadas en participar nesta xornada deberán tramitar a súa inscrición (gratuíta) a través da web www.agaca.coop, podendo asistir a ela de xeito presencial no devandito centro Pedro Murias ou ben seguir as intervencións on line.
Medidas a prol da Faba de Lourenzá
Esta acción forma parte do paquete de medidas posto en marcha pola Xunta de Galicia para apoiar o cultivo de Faba de Lourenzá, que inclúe, entre outras actuacións, axudas directas, de carácter excepcional, para os produtores inscritos nesta Indicación Xeográfica Protexida (IXP).
Tamén, un instrumento financeiro para dotar de liquidez aos agricultores e gandeiros galegos en xeral e de modo específico aos fabeiros, co fin de que poidan facer fronte á sementeira. Ao tempo, con estas actividades de formación e divulgación búscase converter o Pedro Murias nun centro de referencia, de forma que funcione, tamén, como punto de realización de campos de ensaio.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
