Ribadeo, 25 de marzo de 2025. Desde hoxe, 25 de marzo, e ata o 3 de abril estará aberto o prazo de inscrición nas actividades lúdico deportivas que organizan as Concellerías de Deportes e Mocidade e Benestar Social e Familia na Semana Santa co obxectivo de facilitar a conciliación laboral e familiar. Na presentación participaron os edís Elena Sierra e Francisco José Silvent.
O concelleiro de Deportes explicou que “os días 14, 15 e 16 de abril haberá un mini campamento para nenas e nenos de 4 a 8 anos no Ceip Gregorio Sanz en horario de 10:30 a 14:00 horas. E outro mini campamento para rapazas e rapaces de 9 a 12 anos, que tamén se desenvolverá no Gregorio Sanz de 10:30 a 14:00 horas e de 16:00 a 19:00 horas. Ambos contarán con servizo de programa madrugador. O martes, día 15, pola tarde de 16:30 a 19:30 terá lugar unha festa lúdica con inchables, tocador de pintacaras, glitter bar, photocall, xogos e baile. O evento estará aberto a todos os nenos e nenas, estean ou non anotados nas actividades organizadas polo Concello. Iso sí terán que estar acompañados dunha persoa responsable”.
Silvent contou que “a programación de Semana Santa inclúe un encontro xuvenil denominado A mocidade de Ribadeo conta. Está destinado á rapazada maior de 12 anos e terá lugar no Ceip Gregorio Sanz en horario de 10:30 a 14:00 horas e de 16:00 a 19:00 horas. Trátase dun espazo de encontro, aberto e plural, onde os mozos e mozas poidan dar resposta ás súas inquedanzas, así como brindarlles oportunidades reais de participación, aprendizaxe e divertimento”.
O edil ribadense seguiu a relatar que “o día 15 de abril está prevista unha actividade interxeracional no Centro de Día de Ribadeo Os anos achegan… aos libros. Está organizada polo CAMP de Ribadeo, o CIFP Porta da Auga e o Concello. Será ás 11:30 horas e os pícaros que asistan de 0 a 3 anos deberán acudir acompañados dunha persoa responsable”.
Silvent dixo que “as prazas para participar en todas estas actividades son limitadas, de aí que sexa preciso inscribirse na Casa da Xuventude, que está situada na rúa Antonio Otero. O prazo está aberto desde hoxe ata o vindeiro 3 abril. O que queremos é facilitar a conciliación familiar e laboral nuns días nos que as nenas e os nenos están de vacacións escolares e nos que seus pais e nais, en moitos casos, traballarán con normalidade”.
O concelleiro de Deportes engadiu que “ademáis do 14 ao 16 de abril terán lugar as xornadas de tecnificación do Real Spórting de Xixón. Neste caso a inscrición debe realizarse en www.thefootballdream.com”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
