Navia, 19 de marzo, 2025. O Concello de Navia continúa co proceso de actualización de numeración de edificios e denominación de vías nas parroquias de Villanueva de Talarén e Anleo. Tal como ocorreu previamente en Villapedre, Andés e a zona rural de Porto de Vega, xa se produciu a actualización no Instituto Nacional de Estatística (INE), o que supón a adaptación do censo electoral e padrón municipal ás novas direccións.
Os veciños destas zonas comezaron a recibir nos seus domicilios a notificación coa súa nova dirección. Para facilitar o proceso de cambio, o Concello habilitou un visor público na súa páxina web, onde os cidadáns poden comprobar a actualización dos datos: https://qrcd.org/8NJk
Ademais o Concello de Navia ofrece o Servizo de Cliente Lixeiro, mediante o cal os cidadáns poden solicitar o cambio de domicilio en diversos organismos de maneira centralizada:
Axencia Estatal de Administración Tributaria (AEAT)
Instituto Nacional da Seguridade Social (INSS) – Só deben usalo pensionistas de calquera tipo e xubilados.
Tesourería Xeral da Seguridade Social (TGSS)
Dirección Xeral de Policía (DGP)
Dirección Xeral de Tráfico (DXT) – Para condutores
Principado de Asturias
Junta de Andalucía
Comunidade Autónoma de Valencia (Sanidade)
E grazas a un convenio coa Dirección Xeral de Tráfico (DXT), o Concello pode xestionar directamente o cambio de domicilio fiscal dos vehículos, evitando desprazamentos innecesarios.
Este servizo tamén está dispoñible para aqueles veciños de Villapedre, Andés e a zona rural de Porto de Vega que aínda non realizasen a actualización do seu domicilio.
Estes trámites deben realizarse de forma presencial, solicitando cita previa no teléfono 985 630 094 (ext. 9-2011). Para máis información e consultas, poden contactar co Concello a través das canles habituais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
