Ribadeo, 22 de marzo de 2025. Do 22 de marzo ao 11 de abril pódese visitar no Campo de San Francisco a exposición Mulleres x Mulleres, organizada pola Concellería de Igualdade. O acto de inauguración tivo que trasladarse ao Salón dos Alcaldes do Concello por mor da chuvia.
Na súa intervención a concelleira de Igualdade, Begoña Sanjurjo, dixo que “hai 50 anos que celebramos o 8M, Día Internacional das Mulleres. Neste ano cúmprense tamén 30 anos da Declaración e Plataforma de Acción de Beijing, o plan para promover os dereitos das mulleres e nenas en todo o mundo. Este día, o 8M, en palabras da ONU refírese ás mulleres correntes como artífices da historia e afunde as súas raíces na loita plurisecular por participar na sociedade en pé de igualdade cos homes”.
A edil ribadense explicou que “neste contexto, desde o Concello de Ribadeo queremos poñer en marcha unha exposición, homenaxe ás ribadenses, ás de hai uns anos que abriron camiños con normalidade en diferentes ámbitos e ás que seguiron ensanchando eses camiños ou abrindo outros novos. Queremos que as ribadenses do mañá poidan transitar por calquera destes camiños ou por outros novos que na actualidade nin sequera imaxinamos. É unha exposición que recoñece que a situación avanzou nos distintos ámbitos, pero os progresos non foron homoxéneos e a sociedade no seu conxunto debe unirse e cooperar para seguir rachando cos teitos de cristal”.
Sanjurjo sinalou: “Mulleres x Mulleres é un traballo aberto, que arrinca hoxe pero que non está pechado. Temos moitas historias que escribir, moitas ribadenses que descubrir e queremos que a xente as coñeza. Na exposición atoparemos mulleres no deporte, na política, na música, na filantropía, na ciencia, no comercio… Hai mulleres en branco e negro e outras que están na actualidade sendo referentes para xeracións futuras. Se non fora polas primeiras igual nós non estabamos aquí”.
A concelleira de Igualdade contou que “este traballo foi realizado polo Obradoiro de Animación Sociocultural e quero agradecerlles a súa dedicación. Lucía e Aarón foron os alumnos máis implicados, desde aquí moitas grazas. Pero sobre todo quero darvos as grazas a todas as que contastes unha parte da vosa vida, sen vós sería imposible esta exposición e tamén construír parte da historia de Ribadeo. Queremos facervos entrega dun pequeno agasallo, para que sigades escribindo a vosa historia. Grazas por construír un mundo en igualdade”.
E engadiu: “hoxe temos tamén a sorte de contar con estas catro marabillosas voces: Lucía Pérez, Rosa Cedrón, Claudia Abril e María Jorge que nos achegan o proxecto sonoro O Noso Canto, proxecto dirixido por Belém Tajes, que reivindica a unión de diferentes xeracións de mulleres, demostrando a forza que temos todas xuntas e todo o que podemos conseguir. Ambos proxectos interxeracionais: O noso canto e Mulleres x Mulleres demostran que todas xuntas somos máis fortes”.
Homenaxeadas, familiares, veciñanza, o alcalde, Dani Vega, así como edís da Corporación Municipal ribadense asistiron ao acto celebrado este mediodía no Salón dos Alcaldes do Pazo de Ibáñez.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
