Nova York non é unha cidade calquera. É un símbolo. É historia, diversidade e diálogo. E, sobre todo, é un ensaio —quizais o máis exitoso— do que despois quixo ser a Unión Europea: un espazo construído desde as achegas de centos de comunidades diferentes, con raíces diversas e culturas entrelazadas, creando algo novo sen renunciar á alma de cada quen, un verdadeiro valor diferencial, que atrae a todo o mundo.
Desde as súas orixes, Nova York medrou da man de europeos que cruzaron o Atlántico buscando un futuro. Italianos, irlandeses, galegos, polacos, alemáns, franceses… todos deixaron a súa pegada nas rúas e posteriormente no asfalto neoiorquino. Desde as tabernas irlandesas do Bronx ata os galegos que levantaron restaurantes, tendas e asociacións culturais, pasando polos italianos que fixeron da gastronomía un emblema da cidade. Nova York é unha especie de Europa trasplantada, reinventada, transformada cunha identidade propia.
Por iso, resulta tan incoherente e doloroso que sexa precisamente un neoiorquino —Donald Trump— quen encarne o discurso máis perigoso para esa herdanza: o illamento e o desprezo á cooperación con Europa. Un ataque directo á propia historia da súa cidade e á súa identidade.
Como demócrata europeo, desde Galicia, desde esa Europa periférica que tamén construíu Nova York, quero alzar a voz e lanzar unha interpelación directa á sociedade neoiorquina: vós sodes a ponte natural entre Europa e Estados Unidos. Sodes a memoria viva do que conseguimos xuntos. Non podedes permitir que Trump destrúa ese legado desde dentro.
Se hai unha cidade que debe liderar a contestación ao illamento, esa cidade é Nova York. Por historia, por identidade e por responsabilidade. E esa chamada non é só para os cidadáns de orixe europea, tamén é para toda a comunidade latina, que sabe ben o que significa loitar por un lugar nunha sociedade aberta e plural.
Nova York nunca foi unha cidade de muros nin de fronteiras pechadas. É a cidade da Estatua da Liberdade, a cidade onde os barcos chegaban cargados de soños europeos. É a cidade de Ellis Island, o primeiro porto de entrada para millóns de cidadáns que construíron non só un anaco de América, senón tamén un anaco de Europa ao outro lado do océano.
Nun momento no que a Administración Trump decidiu atacar os valores europeos —a cooperación, a apertura, o multilateralismo—, cidades como Nova York, Chicago, San Francisco, Boston ou Nova Orleáns, todas elas cunha pegada cultural europea fortísima, deben ser faros de resistencia e de crítica social. Deben lembrar a Estados Unidos que a súa grandeza non vén do illamento, senón da mestura, da apertura, da súa capacidade de ser moitas cousas ao mesmo tempo e da multilateralidade das súas relacións.
Desde Galicia, desde o Partido Demócrata Europeo, desde ese recuncho atlántico que tamén axudou a levantar Nova York, convido á cidadanía neoiorquina a mirarse ao espello e recoñecer o que son: unha cidade cun anaco de Europa no seu ADN, un laboratorio de mestizaxe e creatividade que encarna o mellor da historia compartida entre os nosos dous continentes. Un ensaio para enterrar rancores europeos e construír a UE cos mesmos valores que Nova York.
Hoxe, defender Europa é tamén defender Nova York. E defender Nova York é plantar cara ao illamento de Trump.
Piñeiro Docampo
Sº Xeral de CxG
Membro da dirección do Partido Demócrata Europeo.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
