Ribadeo, 21 de marzo, 2025. O BNG de Ribadeo propón ao goberno municipal que solicite ao Bispado o arranxo da capela da Atalaia, para así finalizar a reforma iniciada por petición do anterior alcalde Fernando Suárez. A actuación consistiría en repoñer a cuberta de cal exterior que protexe a estrutura do edificio, como xa estaba previsto. Naquel momento a actuación non finalizou por falta de orzamento.
Segundo o voceiro do BNG de Ribadeo, Pablo Vizoso: “Nos últimos días, por medio de estudosos da historia local de Ribadeo, recibimos o aviso de que a estrutura da capela da Atalaia está sufrindo un deterioro importante ao non ter o revestimento en cal que protexe este tipo de edificacións históricas. Segundo indicaron desde o Bispado, no seu momento non se rematou a obra por falta de orzamento, pero consideramos que o tempo pasou e cada vez se fai máis necesario acometer esta actuación. Desde o BNG propoñémoslle ao goberno municipal que solicite este arranxo para así, entre todos, conservar o patrimonio ribadense de xeito decidido. Tamén presentaremos unha moción no pleno e solicitaremos a información do expediente para ver se a través das licenzas e documentación se pode facer presión”.
Así mesmo, engadiu Vizoso: “Agardamos que o goberno municipal recolla a nosa proposta e a traslade, tan pronto como se poida, ao Bispado a petición de inicio desta actuación tan necesaria. Coidar o noso patrimonio é algo fundamental, debemos recordar que a capela da Atalaia é un dos edificios relixiosos máis antigos de Ribadeo. Ogallá poidamos conseguilo entre todos e todas”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
