Trabada, 17 de marzo de 2025. O Concello de Trabada acolle con satisfacción as medidas anunciadas pola conselleira do Medio Rural, María José Gómez, durante o encontro celebrado o pasado venres no Centro de Formación e Experimentación Agraria Pedro Murias en Ribadeo. Na reunión, na que participaron alcaldes e representantes municipais da zona, estivo presente o alcalde de Trabada, Rubén García, quen valorou positivamente os compromisos adquiridos pola Xunta de Galicia para apoiar ao sector agrario local.
A conselleira explicou que a Consellería habilitará axudas directas de 2.000 euros por hectárea para os produtores da IXP Faba de Lourenzá, ademais de poñer en marcha un instrumento financeiro para o campo galego. Estas medidas responden ás demandas trasladadas polos representantes municipais de Trabada e Lourenzá nunha reunión previa celebrada en Santiago, onde se puxo de manifesto a problemática que afrontan os produtores da zona.
O novo instrumento financeiro consiste en créditos sen ningún tipo de interese, dirixidos a todo o sector agrario, independentemente de estar incluídos na IXP Faba de Lourenzá. Este mecanismo estará dispoñible a partir do mes de abril, permitindo que os produtores accedan a financiación en condicións moi vantaxosas. A Xunta de Galicia asumirá todos os gastos de formalización, os avais e os intereses dos créditos, facilitando así o acceso a liquidez para os profesionais do sector.
O alcalde de Trabada, Rubén García, destacou a importancia do traballo conxunto entre administracións para lograr avances en beneficio da veciñanza. “Desde o Concello de Trabada seguimos apostando polo diálogo e a colaboración con todas as administracións, independentemente da súa cor política, co obxectivo de solucionar os problemas reais dos nosos veciños e veciñas. Esta reunión e as medidas anunciadas son un exemplo de que as nosas demandas están sendo escoitadas e atendidas”, subliñou.
Ademais, o rexedor asegurou que o Concello de Trabada manterase atento á publicación oficial destas axudas para informar aos produtores locais e facilitar o acceso a estas medidas. “Seguiremos traballando na mesma liña de apoio ao sector agrario e á nosa veciñanza, porque o rural é un piar fundamental da nosa economía e do noso territorio”, concluíu García.
O Concello de Trabada reafirma así o seu compromiso co desenvolvemento e fortalecemento do sector primario, esenciais para o progreso da comarca e o benestar da súa poboación.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.