Estas obras comprometidas plasmaranse nun convenio entre a entidade publica e o ente municipal para iniciar a redacción dos correspondentes proxectos para a súa posterior licitación
Viveiro, 21 de marzo de 2025. O presidente de Portos de Galicia, José Antonio Álvarez, visitou esta mañá o porto de Viveiro da man da súa alcaldesa, Mariña Gueimunde, para visitar in situ o entorno do peirao vello, zona na que a nova rexedora solicitou que se actuase de xeito prioritario. Este encontro tivo lugar unha semana despois do celebrado pola rexedora e o conselleiro do Mar, o mariñao Alfonso Villares, na que abordaron as actuacións previstas por parte do departamento autonómico no municipio lucense.
Álvarez, acompañado de persoal técnico pertencente ao ente autonómico, supervisou o actual estado do nomeado espazo e acordou coa responsable municipal a realización de varias actuacións. Por un lado, acometerase un paseo no borde marítimo entre a coñecida como ‘Casa do Guardamuelles’ ata o Náutico de Viveiro e a reurbanización do aparcadoiro do peirao vello. Por outro lado, tamén se comprometeu á rehabilitación do primeiro inmoble, edificio catalogado polo seu valor patrimonial e, aproveitando a pavimentación da explanada do porto deportivo de Viveiro prevista para esta primavera, acometerase a reorganización do espazo destinado a aparcadoiro no entorno do peirao do náutico.
Nesta liña, o presidente da entidade pública recordou que este ano vaise a realizar a substitución das luminarias do recinto portuario por dispositivos LED que suporá un investimento de 93 mil euros e a citada a pavimentación da explanada do porto deportivo de Viveiro cun desembolso de 91 mil euros.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
