Fíxoo este xoves xunto ao Deputado de Promoción Económica e Social nunha visita á mesa de cuestación instalada na Praza de San Marcos con motivo do Día Mundial do Ril, unha xornada que se celebra anualmente o segundo xoves de marzo
Lugo, 13 de marzo de 2025. O Presidente da Deputación de Lugo, José Tomé Roca, xunto ao Deputado de Promoción Económica e Social, Pablo Rivera Capón, achegouse este xoves ata a mesa de cuestación instalada pola Asociación para a Loita Contra as Enfermidades do Ril (ALCER Lugo) diante do Pazo de San Marcos polo Día Mundial do Ril.
Esta xornada, que se celebra anualmente o segundo xoves de marzo, pretende concienciar á poboación na prevención e na detección precoz da enfermidade renal crónica. Con este motivo, a entidade lucense tamén instalou unha mesa informativa diante do Concello de Lugo e outra no Hospital Universitario Lucus Augusti nas que trasladou a importancia do coidado da saúde renal e informou de hábitos de vida saudables para mellorar a calidade de vida das persoas que padecen este tipo de doenzas.
Tomé Roca puxo en valor o traballo que desenvolve ALCER Lugo desde hai máis de 40 anos “no apoio integral dos seus usuarios e as súas familias brindándolles asesoramento personalizado e apoio social, físico, psicolóxico e nutricional co que mellorar a súa calidade de vida e de benestar”.
Nesta liña, o mandatario provincial recordou que a Deputación de Lugo mantén un “firme compromiso” con esta entidade, achegando 6.000€ anualmente, porque “somos plenamente conscientes de que as administracións públicas deben estar ao carón deste tipo de colectivos”. José Tomé tamén recordou a importancia de “apoiar as accións e as actividades que levan a cabo e que sensibilizan directamente aos veciños e veciñas”.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
